संजय राठोड

Yavatmal Crime News : यवतमाळ येथून एक धक्कादायक घटना समोर आली आहे. उत्सवाचे फलक लावण्यावरून ४ जणांमध्ये जोरदार वाद सुरु होता. इतकेच नव्हे तर हे फलक फाडून शेजाऱ्याला शिवीगाळ सुरू केली. बाहेर नेमकं काय सुरु आहे हे पाहण्यासाठी घराबाहेर आलेल्या युवकावर एकाने चाकूने हल्ला केला. (Latest Marathi News)

पाठीत चाकू खुपसातच त्या युवकाने चाकू हाताने घट्ट पकडून ठेवला. त्यामुळे हल्लेखाेराला दुसरा वार करण्याची संधी मिळाली नाही. तेवढ्यात कुटुंबातील इतर सदस्य धावून आले, त्यांनी जखमीला चाकूसह थेट शासकीय रुग्णालयात दाखल केले. हा थरार यवतमाळच्या (Yavatmal) लाेहारा येथील शिवाजीनगर परिसरात घडला आहे. (Crime News)

दीक्षित विजय हिरणवाडे (३८, रा. रामनगर लाेहारा) असे चाकू हल्ल्यात जखमी झालेल्या युवकाचे नाव आहे. जखमी दीक्षितला तातडीने दुचाकीवरून शासकीय रुग्णालयात दाखल करण्यात आले. त्याच्या पाठीच्या खालच्या भागात चाकू रुतला आहे. ताे बाहेर काढण्यासाठी डाॅक्टरांनी तातडीने शस्त्रक्रियेला सुरुवात केली. या प्रकरणात चाैघांवर संशय व्यक्त केला जात असून, घटनेचा व्हिडिओ व्हायरला होत आहे.