दिनू गावित

नंदुरबार : नवापूर- पिंपळनेर रस्त्यावर मालेगाव सुरत बस व मोटरसायकली यांंच्यात अपघात Accident झाला आहे. या अपघातात एकाचा जागीच मृत्यू झाला असून दोन जण गंभीर जखमी झाले आहेत. त्यांना नंदुरबार Nandurbar जिल्हा रुग्णालयात उपचारासाठी पाठवण्यात आले आहे.

हे देखील पहा-

नवापुर तालुक्यातील घोड जामन्या गाव नजीक गुजरात डेपोची मालेगाव-सुरत बस क्रमांक जी जे १८ झेड ५६५० या अॅपे रिक्षाला ओव्हरटेक  करताना समोरून येणार मोटरसायकल क्रमांक एम.एच ३९ ए जी  ७०६३ ला जोरदार धडक दिल्याने मोटरसायकल रस्त्याच्या बाजूला फेकली गेली.

मोटारसायकलीखाली तिघे दाबले जावून त्यावर पुन्हा बस आदळली. मोटरसायकलच्या खाली तिघे आणि मोटारसायकलवर बसचे चाक असा गंभीर प्रसंग ओढवला. यात एकाचा जागीच मृत्यू झाला. कोट्या मौल्या मावची (वय ४०) यांचा जागीच मृत्यू झाला तर विक्रम श्रीराम मावची (वय  ५०) हे गंभीर जखमी झाले आहेत. दोन्ही नवापूर तालुक्यातील बेडकीपाडा झामणझर येथील आहे. तिसऱ्याची ओळख पटली नसून गुजरात राज्यातील सोनगड तालुक्यातील गोंदा गावातील रहिवासी असल्याचे सांगण्यात आले.

Edited By-Sanika Gade