अजय सोनवणे 

मनमाड (नाशिक) : घरून पाच लाख रुपयांची रक्कम घेऊन निघालेल्या कारखानदाराला रस्त्यात गाठून मारहाण केली. तसेच बंदुकीचा धाक (Crime News) दाखवून कारखानदाराजवळील पाच लाख रुपयांची रक्कम लांबविल्याची घटना (Malegaon) मालेगाव येथे आज दुपारच्या सुमारास घडली आहे. (Breaking Marathi News)

नाशिकच्या मालेगाव शहरातील द्याने येथील गणेशनगर भागात तीन संशयितांनी कारखानदार संतोष मालपुरे यांच्यावर दिवसाढवळ्या चॉपरने वार केला. बंदुकीचा धाक दाखवत खिशातील मोबाईल व गाडीच्या डिक्कीत ठेवलेले पाच लाख रुपयांच्या रक्कमेसह गाडी पळवून नेली. यातील एका आरोपीला पडण्यात आले आहे. तर दोघेजण गाडी घेऊन फरार झाले आहेत. 

कामगारांच्या पगाराची होती रक्कम 

संतोष मालपुरे आपल्या घरुन पैसे घेऊन कामगारांचे पगार करण्यासाठी निघाले होते. मात्र कारखाना परिसरातील गल्ली बोळात मालपुरे यांना तिघांनी गाठत त्यांच्यावर हल्ला करण्यात येऊन रक्कम पळविली. दिवसाढवळ्या झालेल्या घटनेमुळे यंत्रमाग कारखानदार दहशतीखाली आले आहे.