नगर-संभाजीनगर महामार्गावर भीषण अपघाताची घटना उघडकीस आली आहे. रात्रीच्या सुमारास कंटेनरचा ब्रेक झाला. अनियंत्रित कंटेनरनं ९ चारचाकी उडवल्या. या भीषण अपघातात वाहनांचे प्रचंड नुकसान झाले. मात्र, सुदैवाने कोणतीही जीवितनहानी झालेली नाही. दरम्यान, अपघाताचा हा संपूर्ण प्रकार सीसीटीव्ही कॅमेऱ्यात कैद झाला आहे. या घटनेनंतर परिसरात खळबळ उडाली आहे.

नगर-संभाजीनगर महामार्गावर रात्री उशिरा झालेल्या भीषण अपघाताचे सीसीटीव्ही फुटेज समोर आले आहे. हे कंटेनर छत्रपती संभाजीनगरहून पुण्याच्या दिशेनं जात होते. एसपी ऑफिसजवळ आल्यानंतर कंटेनरचे अचानक ब्रेक निकामी झाले. यामुळे चालकाचे कंटेनरवरून नियंत्रित सुटले.

यावेळी एसपी ऑफिसच्या रस्त्याच्याकडेला असलेल्या एका हॉटेलजवळ काही वाहनं पार्क केल्या होत्या. रात्रीच्या वेळेस कंटेनरचा ताबा सुटला. कंटेनर थेट रस्त्याच्याकडेला असलेल्या हॉटेलच्या बाजूने गेला. यावेळी कंटेनरने तब्बल नऊ चारचाकींना जबर धडक दिली. या अपघातात मोठ्या प्रमाणावर वाहनांचे नुकसान झाले आहे.

मात्र, लोक हॉटेलमध्ये जेवण करत असल्याकारणाने मोठी जीवितहानी टळली. नंतर कंटेनर पुढे जाऊन थांबले. दरम्यान, अपघाताचा हा संपूर्ण प्रकार सीसीटीव्ही कॅमेऱ्यात कैद झाला आहे. या दृश्यांनी सर्वांनाच हादरवून सोडले आहे. या भीषण अपघातानंतर परिसरात खळबळ उडाली आहे.