Beed News : बीड पालिका कर्मचाऱ्याकडून 15 लाखाची खंडणी मागितल्या प्रकरणी माजलगाव पालिकेच्या माजी नगराध्यक्ष यांच्या विरोधात खंडणीचा गुन्हा दाखल झाला आहे. यामुळे बीडच्या माजलगाव नगरपालिकेमध्ये खळबळ माजली आहे. दरम्यान खंडणीचा गुन्हा दाखल झालेले माजी नगराध्यक्ष हे राष्ट्रवादी शरद पवार गटाचे नेते आहेत. (Maharashtra News)

माजलगाव येथील राष्ट्रवादी शरद पवार गटाचे नेते माजी नगराध्यक्ष शेख मंजूर यांनी नगरपालिकेचे कर्मचारी शिवहर शेटे यांना 15 लाखांची खंडणी मागितली. तसेच धमकी देऊन फसवणुक केल्या प्रकरणी त्यांच्या विराेधात पाेलीसांत तक्रार देण्यात आली. या तक्रारीनूसार शेख मंजूर यांच्या विराेधात माजलगाव शहर पोलीसांनी गुन्हा दाखल केला आहे.

माजलगाव नगरपालिकेचे नामांतर विभाग प्रमुख शिवहर शेटे यांना 14 फेब्रुवारी 2019 रोजी नगरपालिकेत शेख मंजूर हे गेले. तेथे त्यांनी शेटे यांना काही कामे करण्यास सांगितले. नियमात बसत असेल तरच काम करेल, असे सांगताच मंजूर यांनी हुज्जत घातली.

तू सामान्य कर्मचारी आहे, तुझी वाट लावतो. माझे न ऐकल्यास तुला जीवे मारील, अशी धमकी दिली. याच वेळी तत्कालीन नगराध्यक्ष सहाल चाऊस यांनी दोघांनाही बोलवुन घेतले. चाऊस यांच्यासमोरही हा माझे काम कसे करीत नाही, असे म्हणत काटा काढील. त्याला सस्पेंड करील, त्याच्या तक्रारी करीन अन्यथा मला 15 लाख रुपये देण्यास सांगा, अशी धमकी मंजूर यांनी दिल्याचे फिर्यादीत म्हटले आहे.

Edited By : Siddharth Latkar