राज्यभरात मुसळधार पावसाने पुन्हा एकदा कहर माजवलाय. नांदेड जिल्ह्यांमध्ये तर महिनाभरापासून पावसाचा हाहकार सुरूय. नांदेड, मुंबई, उपनगर, ठाणे, पालघर यांसह संपूर्ण राज्यात जोरदार पाऊस चालू आहे. मुसळधार पावसाने मुंबई-ठाणे, नवी मुंबई परिसराला सोमवारी झोडपून काढलं. यानंतर आता पुढील दोन दिवस मुंबईसह ठाणे, पालघर जिल्ह्यात ढगांच्या गडगडाटसह मुसळधार पाऊस कोसळणार असल्याचा इशारा हवामान विभागाने दिलाय.

संपूर्ण राज्यात पाऊस पुन्हा एकदा सक्रिय झालाय. मुंबईसह उपनगरांत पावसाचा जोर अधिक आहे. ठाणे जिल्ह्यात पावसामुळे अनेक रस्ते जलमय झालेत. ठाण्यात १२.२ मिमी पावसाची नोंद झाली. तर कुलाबा येथे २४.७ मिमी, सांताक्रूझ येथे २९.६ मिमी पावसाची नोंद झाल्याचे सांगितले जात आहे. राज्याच्या इतर भागातही मुसळधार पावसाचा अंदाज वर्तवण्यात आलाय.

दरम्यान मुंबई बरोबरच राज्यातील इतर भागातही पावसाचा जोर आहे. याआधी पडलेल्या पावसामुळे पिकांचे नुकसान झालंय. कापूस, सोयाबीन आणि इतर खरीप पिकांचे नुकसान अधिक होण्याची शक्यता आहे. नांदेड जिल्ह्यात आसना नदीला आलेल्या पुरामुळे गाडेगाव परिसरातील पुलावरून पाणी वाहू लागलंय.पूरस्थितीमुळे शेतकऱ्यांचे प्रचंड नुकसान झाले आहे. जिल्ह्यातील अनेक शेतजमिनींमध्ये सोयाबीन, कापूस, उडीद, तूर यासह खरीप हंगामातील पिके पाण्याखाली गेली आहेत.

बुलढाणा जिल्ह्यातील सिंदखेडराजा तालुक्यात गेल्या दोन महिन्यापासून पावसाने जबरदस्त बॅटिंग करत आहे. त्यामुळे तालुक्यातील सर्व शेताना तलावाचे स्वरूप आले आहे. पळसखेड चक्का या गाव परिसरातील शेताला तलावाच स्वरूप आल्याने