Maharashtra MLC Election Result : महाराष्ट्रातील शिक्षक, पदवीधर निवडणुकीचा निकालाची अधिकृत आकडेवारी निवडणूक आयोगाकडून जारी केली. अंतर्गत कलहामुळे महायुतीला पराभवाचा धक्का बसलाय. तर मविआने ३ जागा जिंकत सत्ताधाऱ्यांना जोरदार धक्का दिला आहे. पुणे आणि नागपूरच्या जागांवर शेवटपर्यंत अटीतटीची लढत झाली.

महाराष्ट्र विधान परिषदेतील औरंगाबाद विभाग पदवीधर, पुणे विभाग पदवीधर, नागपूर विभाग पदवीधर, अमरावती विभाग शिक्षक आणि पुणे विभाग शिक्षक या पाच मतदारसंघांमधील विद्यमान सदस्यांचा कार्यकाळ ६ डिसेंबर, २०२६ रोजी संपुष्टात येणार आहे. त्या पार्श्वभूमीवर पाच मतदारसंघांकरीता द्विवार्षिक निवडणुका घेण्यात आल्या. भारत निवडणूक आयोगाच्या मान्यतेने या सर्व पाच मतदारसंघासाठीचे निकाल घोषित करण्यात आले आहेत.

कोणत्या मतदारसंघात कुणाला किती मते?

पुणे विभाग शिक्षक मतदारसंघ :

विजयी उमेदवार: कौस्तुभ मुरलीधर गावडे (भारतीय जनता पार्टी) - २३१९७ मते

२ रा क्रमांक (लगतची मते मिळवणारे): सचिन नवनाथ सानप (अपक्ष) - १६३४७ मते

अमरावती विभाग शिक्षक मतदारसंघ:

विजयी उमेदवार: किरण रामराव सरनाईक (शिवसेना) - १६६६३ मते

२ रा क्रमांक: अदिती ऋषिकेश पोहरे (इंडियन नॅशनल काँग्रेस) - ८६३६ मते

पुणे विभाग पदवीधर मतदारसंघ:

विजयी उमेदवार: हर्षदा देशमुख जाधव (नॅशनललिस्ट काँग्रेस पार्टी - शरदचंद्र पवार) - ११९३४० मते

२ रा क्रमांक: डॉ. स्मिता योगेश जाधव (भारतीय जनता पार्टी) - १०३१९२ मते

नागपूर विभाग पदवीधर मतदारसंघ:

विजयी उमेदवार: अभिजित गोविंदराव वंजारी (इंडियन नॅशनल काँग्रेस) - ६७२३१ मते

२ रा क्रमांक: सुधाकर विठ्ठलराव कोहळे (भारतीय जनता पार्टी) - ६३१९६ मते

औरंगाबाद विभाग पदवीधर मतदारसंघ:

विजयी उमेदवार: डॉ. प्रतापसिंह वेदप्रकाश पाटील (नॅशनललिस्ट काँग्रेस पार्टी - शरदचंद्र पवार) - ८५८७६ मते

२ रा क्रमांक: चव्हाण सतीश भानुदासराव (नॅशनललिस्ट काँग्रेस पार्टी) - ६७७५२ मते