मुंबई : जून महिन्यात राज्याकडे पाठ फिरवणाऱ्या पावसाने जुलै महिन्यात दमदार हजेरी लावली. जुलै महिन्याच्या सुरुवातीला राज्यातील बहुतांश भागात मुसळधार पाऊस झाला. या पावसामुळे शेकडो लोकांना आपला जीव गमवावा लागला. तसंच शेती पिकाचंही मोठं नुकसान झालं. दरम्यान, येत्या ४ ते ५ दिवसांत मुंबई पुण्यासह राज्यातील काही जिल्ह्यात मुसळधार पाऊस होईल असा इशारा हवामान खात्याने दिला आहे. (Maharashtra Rain News Today)

मुंबई, पुण्यातील काही भागात पाऊस पडण्याची शक्यता हवामान विभागाने दिली आहे. याशिवाय कोल्हापूर जिल्ह्यातही मुसळधार पाऊस होईल अशी शक्यता हवामान विभागाने वर्तवली आहे. गेल्या काही दिवसांपासून कोल्हापूर जिल्ह्याकडे पावसाने पाठ फिरवली होती. मात्र बुधवारी जिल्ह्यात पावसाने जोरदार पुनरागमन केलं.

अशातच जिल्ह्यात पुढील चार ते पाच दिवस विजेच्या कडकडाटासह मुसळधार पाऊस होईल असं हवामान विभागाकडून सांगण्यात आलं आहे. हवामान विभागाने जिल्ह्याला येलो आणि ऑरेंट अलर्ट दिला आहे. या पार्श्वभूमीवर प्रशासनही सतर्क झालं आहे. नागरिकांना सतर्क राहण्याच्या सूचनाही देण्यात आल्या आहेत. (Rain In Maharashtra Tomorrow)

केरळमध्ये ४ ऑगस्टपर्यंत मुसळधार

दुसरीकडे केरळ्या अनेक भागात ४ ऑगस्टमपर्यंत मुसळधार पाऊस पडेल असा इशाराही हवामान विभागाने दिला आहे. मुसळधार ते अति मुसळधार पावसासाठी रेड अलर्ट जारी करण्यात आला आहे. दरम्यान, हवामान खात्याने आजही उत्तर प्रदेश, बिहार, राजस्थान, मध्य प्रदेश, पंजाब, हरियाणा, उत्तराखंड, हिमाचल प्रदेश आणि जम्मू-काश्मीरसह अनेक ठिकाणी पावसाची शक्यता वर्तवली होती.

Edited By - Satish Daud