शरद पवारांची राष्ट्रवादी एनडीएमध्ये सामील होण्याची चर्चा सुरूय. राष्ट्रवादीच्या काही नेत्यांनी भाजपच्या नेत्यांची भेट घेतल्याचेही समोर आले होते. त्याचदरम्यान जयंत पाटील यांना राज्याचे अर्थमंत्रीपद मिळणार,अशा चर्चांनी जोर धरलाय. त्याच अनुषंगाने जयंत पाटील यांनी मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांची भेट घेतल्याचं सांगितलं जातंय.

दुसरीकडे महाविकास आघाडीतील नेत्यांनी त्याबाबत भाष्य केलंय. अजित पवार गट राष्ट्रवादी काँग्रेस पक्षाचे प्रदेशाध्यक्ष सुनील तटकरे यांनीही यावर भाष्य केलंय. एकनाथ शिंदे आणि जयंत पाटील यांच्या भेटीमागे कोणतेही वेगळे राजकीय समीकरण असेल, असं वाटत नाहीये. जयंतराव हे महाराष्ट्राच्या राजकारणातील मुरब्बी राजकारणी आहेत. ते सातवेळा विधिमंडळातून निवडून आले आहेत. त्यांनी दीर्घकाळ राज्याचे नेतृत्व केले आहे. ते मुख्यमंत्र्यांना वेगळ्या कारणासाठी भेटू शकतात, असं तटकरे म्हणालेत.

अजितदादानंतर अर्थखातं सांभाळण्याची क्षमता जयंत पाटलांकडेच

राज्याच्या राजकारणात मोठ्या घडामोडी पहायला मिळताहेत. अजित पवारांच्या निधनानंतर अर्थखात्याची जबाबदारी ही मुख्यमंत्री देवेंद्र फडणवीस यांनी स्वत:कडे ठेवले आहे. मात्र आता राष्ट्रवादीनेचे नेते अर्थखात्याची मागणी करत आहेत. अशातच शरद पवारांच्या राष्ट्रवादीचे ज्येष्ठ नेते जयंत पाटील यांना अर्थखात्याची जबाबदारी मिळण्याची शक्यता वर्तवली जातेय. यावर शिवसेना ठाकरे गटाच्या नेत्या सुषमा अंधारे यांना अर्थमंत्रिपदावर भाष्य केलंय.

अंधारे यांनी सांगितले की, ‘पक्ष कुठलाही असो, अजितदादांनी अर्थखातं उत्तम संभाळलं होतं. अजितदादांनंतर अर्थखातं सांभाळण्याची क्षमता जयंत पाटलांकडे आहे. मात्र जयंत पाटील आमच्यासोबत असल्याचं अंधारे म्हणाल्या आहेत. मात्र त्यांच्या बोलण्यावरून जयंत पाटील सत्तेत सामील होणार असल्याची चर्चा आहे.