ठाकरे गटाला आधीच गळतीचं ग्रहण लागलंय. अगदी नगरसेवकांपासून ते ज्येष्ठ नेत्यांपर्यंत अनेकांनी ठाकरे गटाला जय महाराष्ट्र केला असतानाच. एकेकाळचा शिवसेनेसाठी बालेकिल्ला असलेल्या छत्रपती संभाजीनगरात ठाकरे गटातील अंतर्गत वाद चव्हाट्यावर आलायं..हा वाद तसा दोन जुन्या नेत्यांमधला आहे. होय. माजी खासदार चंद्रकांत खैरे आणि विधानपरिषदेचे विरोधीपक्षनेते अंबादास दानवेंमधील वाद.

लोकसभा निवडणुकीदरम्यान उमेदवारीवरून सुरू झालेला वाद आता अधिक तीव्र झालाय. नुकत्याच झालेल्या पक्षाच्या मेळाव्याला चंद्रकांत खैरे यांनी दांडी मारल्याने हा वाद पुन्हा पेटला. यावरून छत्रपती संभाजीनगरमधील ठाकरे गटातील वाद विकोपाला गेल्याची चर्चा रंगली आहे. चंद्रकांत खैरे आणि अंबादास दानवे यांच्यातील वाद हा शिवसेना ठाकरे गटातील अंतर्गत राजकारणाशी निगडीत आहे.दोघांमधील मतभेद अनेकदा उघड झालेत.

खैरे,दानवे वाद चव्हाट्यावर

लोकसभा निवडणूक 2024, उमेदवारीवरुन खैरे-दानवे वाद,

खैरेंना उमेदवारी,दानवे नाराज

राजू शिंदेंच्या पक्षांतरानंतर वाद, खैरेंकडून दानवेंवर गंभीर आरोप

दानवे नंतर आलेले,काड्या करणारे - खैरे

पक्षातील अंतर्गत गटबाजी आणि तक्रारी

उद्धव ठाकरेंकडे दानवेंची तक्रार करणार - खैरे

लोकसभा निवडणुकीतील पराभवाचं खापर दानवेंनी खैरेंवर फोडलं

2022- पुतळ्याच्या अनावरण कार्यक्रम पत्रिकेत दानवेंचं नाव नसल्यानं वाद

दरम्यान, ठाकरे गटाचा वाद चव्हाट्यावर आल्यानं शिंदे गटाला आयतं कोलीत मिळालं..या वादावर मंत्री आणि शिंदे गटाचे प्रवक्ते संजय शिरसाट यांनी संधी साधत खैरेंना शिंदे गटात येण्याची ऑफर दिली. एकीकडे खैरेंनी थेट उद्धव ठाकरे यांच्याकडे तक्रार करण्याची घोषणा केल्यानं हा वाद पक्षश्रेष्ठींपर्यंत पोहोचण्याची शक्यता आहे. तर दुसरीकडे या वादामुळे छत्रपती संभाजीनगरसारख्या जिल्ह्यात ठाकरेंची सेना अंतर्गत कलहानं कमकुवत झालीये का असाही सवाल उपस्थित झालायं..याचा शिंदे गट कसा राजकीय फायदा घेणार हेच पाहायचं