UDDHAV THACKERAY FACES FRESH SETBACK AS KOLHAPUR DISTRICT CHIEF RESIGNS AMID INTERNAL RIFT saam tv
महाराष्ट्र

Maharashtra Politics: उद्धव ठाकरेंना मोठा धक्का; अंतर्गत वादानंतर कोल्हापुरातील बड्या नेत्याचा तडकाफडकी राजीनामा

Kolhapur Politics : शिवसेना उद्धव बाळासाहेब ठाकरे पक्षाला कोल्हापूर महापालिका आणि जिल्हा परिषद निवडणुकीत फारसे यश मिळालेलं नाही. महापालिकेत त्यांचा एकमेव नगरसेवक निवडून आला होता.

Bharat Jadhav

  • उद्धव ठाकरे गटाला कोल्हापुरातून आणखी एक मोठा राजकीय धक्का बसला.

  • जिल्हाप्रमुख रविकरण इंगवले यांनी आपल्या पदाचा तडकाफडकी राजीनामा दिला.

  • पक्षातील अंतर्गत वाद आणि मतभेद हे राजीनाम्याचे प्रमुख कारण मानले जात आहे.

उद्धव ठाकरेंना आणखी एक धक्का बसलाय. एकीकडे खासदारांनी पक्ष सोडला दुसऱ्या बाजुला पक्षातील अंतर्गत वाद पिछा सोडत नाहीये. कोल्हापूर जिल्ह्यातील शिवसेना उद्धव बाळासाहेब ठाकरे गटातील अंतर्गत वादाला कंटाळून एका नेत्यानं थेट आपल्या पदाचा राजीनामा दिलाय. कोल्हापुरचे जिल्हाप्रमुख रविकरण इंगवले यांनी आपल्या पदाचा तडकापडकी राजीनामा दिला आहे. गेल्या वर्षीच त्यांची या पदावर नियुक्ती झाली होती. मात्र एक वर्ष पूर्ण होण्याआधीच त्यांनी आपल्या पदाचा राजीनामा दिलाय.

राजीनाम्याचे मुख्य कारण पक्षातील दोन गटांतील सातत्याने होणारा वाद आणि तक्रारी असल्याचे सांगण्यात येत आहे. इंगवले यांच्यानुसार त्यांना पक्षात कोणाचीही मदत मिळत नाहीये. यामुळे "आपण एकट्याने किती दिवस पक्षाची पालखी सांभाळायची?" असा सवाल उपस्थित करत पदाचा राजीनामा दिलाय. इंगवले यांनी आपला राजीनामा पक्षाच्या वरिष्ठांकडे पाठवला असून, आता नवीन जिल्हाध्यक्ष कोण होणार? याकडे सर्वांचे लक्ष लागले आहे.

पक्षात समन्वय नाहीये

दुसरीकडे पक्षात संजय पवार, विजय देवणे आणि रविकरण इंगवले यांसारखे ताकदीचे नेते असूनही त्यांच्यामध्ये समन्वयाचा नसल्याचं दिसून येत आहे. या नेत्यांमधील अंतर्गत वादामुळे पक्षाची एकूण ताकद कमी होतेय. पक्षाला कोल्हापूर महापालिका आणि जिल्हा परिषद निवडणुकीत फारसे यश मिळालं नाही. महापालिकेतही त्यांचा एकमेव नगरसेवक निवडून आला होता. दुर्दैव म्हणजे या कमकुवत स्थितीनंतरही पक्षातील गटबाजी संपलेली नाहीये.

दरम्यान काही दिवसांपूर्वीच ठाकरे गटाचे शहर प्रमुख मंजित माने यांच्यासोबतची त्यांची कथित वादग्रस्त ऑडिओ क्लिप व्हायरल झाली होती. त्यानंतर वादाला सुरुवात झाली होती. काही दिवसांपूर्वीच रविकिरण इंगवले यांनी कोल्हापूर शहरप्रमुख मंजित माने यांना फोनवरून धमकी दिली होती. दोघांत संभाषण झालेली खळबळजनक ऑडीओ क्लिप सोशल मीडियावर प्रचंड व्हायरल झाली असून, ठाकरे सेनेतील वाद चव्हाट्यावर आला.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Venezuela Earthquake: सर्वात भीषण भूकंपात 10 हजार बळी? 40 सेकंदात अख्खं शहर जमीनदोस्त

मविआच्या एकीवर ठाकरेंचे प्रश्नचिन्ह ; मविआच्या बैठकीला 23 आमदारांची दांडी

मुजोर खासदाराची पत्रकारांना धमकी, शिंदेच्या खासदारावर काय कारवाई होणार?

पत्रकारांना शिवीगाळ, धमकी देणारे खासदार संजय दिना पाटील नरमले; दिलगिरी व्यक्त केली, नेमकं काय घडलं? सर्व सांगितलं

Face care: मॉइश्चरायझ आणि स्मूथ त्वचेसाठी रात्री झोपण्यापूर्वी लावा ही पेस्ट, २ आठवड्यात दिसेल फरक

SCROLL FOR NEXT