Maharashtra Politics:

सर्वच राजकीय पक्षांना आगामी लोकसभा तसेच विधानसभा निवडणूकांचे वेध लागले आहेत. त्यादृष्टीने राजकीय वर्तुळात युत्या, आघाड्यांची लगबग सुरू झाल्याचे पाहायला मिळत आहे. याच पार्श्वभूमीवर अनेक दशकांनंतर शिवसेना ठाकरे गट आणि समाजवादी जनता परिवार पुन्हा एकत्र येत आहेत.

याबाबत सविस्तर माहिती अशी की, शिवसेनेमधील (Shivsena) फुटीनंतर शिवसेना ठाकरे गट आणि शिंदे गट पक्षबांधणीसाठी प्रयत्न करताना दिसत आहेत. ठाकरे गटाने आपला पक्ष बळकट करण्यासाठी ठाकरेंच्या शिवसेनेने पुन्हा समाजवादी पक्ष आणि संघटनांसोबत राजकीय वाटचाल करण्याचा निर्णय घेतला आहे.

आज (रविवार, १५ ऑक्टोंबर) मुंबईच्या एम.आय.जी. क्लबमध्ये बैठक पार पडणार असून उद्धव ठाकरे (Uddhav Thackeray) साधणार समाजवादी जनता परिवाराशी संवाद साधणार आहेत. या बैठकीनंतर शिवसेना ठाकरे गट आणि समाजवादी पक्षाच्या युतीवर शिक्कामोर्तब केले जाण्याची शक्यता आहे.

आजच्या बैठकीला ज्येष्ठ विचारवंत, सामाजिक कार्यकर्ते, राजकीय नेत्यांचा समावेश आहे. कामगार नेते शशांक राव, असीम राव, जॉर्ज फर्नांडिस यांचे सहकारी सुभाष मळगी, जनता दलाचे माजी प्रदेशाध्यक्ष निहाल अहमद यांच्या कन्या शान-ए- हिंद यांची विशेष उपस्थिती असणार आहे. (Latest Marathi News)