Maharashtra Politics Saam Digital
महाराष्ट्र

Maharashtra Politics : 'लक्षात ठेवा तुमचा आमदार झोपलेला नाही' : हर्षवर्धन पाटील यांच्या त्या वक्तव्यावर दत्तात्रय भरणे यांची बोचरी टीका

Datta Bharne Son Harshvardhan Patil : माजी मंत्री हर्षवर्धन पाटील यांनी आता मला शांत झोप लागते असं व्यक्तव्य केलं होतं. त्यावर इंदापूरचे आमदार दत्तात्रय भरणे यांनी तुमचा आमदार झोपलेला नाही, अशी बोचरी टीका केली आहे.

Sandeep Gawade

इंदापूरकरांनो तुमचा आमदार कमी बोलतो, कमी जाहिरात करतो, फ्लेक्स कमी लावतो, व्हाट्सअप वर कमी येतो, मीडियामध्ये चॅनलवर कमी दिसतो, मात्र तुमचा आमदार झोपलेला नाही, असं म्हणत इंदापूरचे आमदार दत्तात्रय भरणे यांनी माजी मंत्री हर्षवर्धन यांच्यावर नाव न घेता बोचरी टीका केली आहे. इंदापूर शहरातील पंचायत समितीतील कार्यक्रमात ते बोलत होते. दत्तात्रय भरणे यांच्या या विधानामुळे माजी मंत्री हर्षवर्धन पाटील यांच्या 'मला शांत झोप लागते' या वक्तव्याची चर्चा रंगली आहे.

माजी मंत्री हर्षवर्धन पाटील यांनी भाजपमध्ये प्रवेश केल्यानंतर. राज्यात सुरू असलेल्या ईडी, सीबीआय आणि आयकर विभागाच्या कारवाईवरुन सूचक वक्तव्य केलं होतं. भाजपमध्ये आल्याने मस्त आणि निवांत आहे, शांत झोप लागते, सध्या आपली चौकशी नाही की ईडीची भीती नाही, असं वक्तव्य केलं होतं. यावरून दत्तात्रय भरणे यांनी नाव न घेता हर्षवर्धन पाटील यांना टोला लगावला आहे.

इंदापूरकरांनो तुमचा आमदार कमी बोलतो, कमी जाहिरात करतो, फ्लेक्स कमी लावतो, व्हाट्सअप वर कमी येतो, मीडियामध्ये चॅनलवर कमी दिसतो, मात्र तुमचा आमदार झोपलेला नाही, असं दत्तात्रय भरणे यांनी म्हटलं आहे. त्यांच्या बोलण्याचा रोख हर्षवर्धन पाटील यांच्यावर होता. त्यांचं नाव न घेता भरणे यांनी ही टीका केली आहे. काही दिवसांपूर्वीही त्यांनी इंदापूर तालुक्यात विकास कामे केल्यामुळे शांत झोप लागते असं म्हणत हर्षवर्धन पाटील यांना डीवचलं होतं. यावर दसरा मेळाव्यात उद्धव ठाकरे यांनी बोचरी टीका केली होती.

या वक्तव्यावर सारवासारव करताना पाटील यांनी भाजपमध्ये गेल्यामुळे मला कशाची चिंता राहिलेली नाही. माझ्या बोलण्याचा आणि चौकशीचा काहीही संबंध नसल्याचा खुलासा हर्षवर्धन पाटील यांनी केला होता. माझ्या मागे कोणत्याही प्रकारची चौकशी नाही, त्यामुळे मला शांत झोप लागते, असं वक्तव्य केलं होतं. दरम्यान दत्तात्रय भरणे यांच्या आजच्या टीकेवर हर्षवर्धन पाटील काय उत्तर देणार हे पाहणं महत्त्वाचं ठरणार आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Maharashtra Live News Update: धाराशिवात १७ मुलींना झाली विषबाधा

The Hunt: माजी पंतप्रधान राजीव गांधी यांच्या हत्येवर आधारित 'द हंट' ही मालिका तुम्ही कधी आणि कुठे पाहू शकता?

Apoorva Nemalekar : “प्रवास सोप्पा नव्हता...'' मालिकेला निरोप देताना अपूर्वाची भावूक पोस्ट व्हायरल

Rupali Bhosle: 'रूप तेरा मस्ताना' रूपाली भोसलेचे फोटो पाहून तुम्हीही हेच म्हणाल...

Politics: 'केम छो शिंदेसाहेब..' जय गुजरातच्या घोषणेवर एकनाथ शिंदेंवर टीकेचा पाऊस, राष्ट्रावादी काँग्रेसच्या आमदारानं डिवचलं

SCROLL FOR NEXT