अकोटमध्ये हिंदूत्वाचे विचार बाजूला सारून भाजप MMIसोबत गेली आणि आता धनंजय मुंडेंचं वर्चस्व असलेल्या परळी नगरपरिषदेत शिंदेंसेना आणि अजित पवारांच्या राष्ट्रवादीने MIM सोबत घरोबा केलाय... परळी नगरपरिषदेत गटनेता निवडीत अजित पवारांच्या राष्ट्रवादीला आणि शिंदेसेनेला एमआयएमने पाठिंबा दिलाय..साहजिकच विरोधकांनी यावर सडकून टीका केलीय..

या युतीमुळे परळी नगरपरिषदेतील राजकीय समीकरण कसं बदललं पाहूयात...

परळी नगरपरिषदेत अजित पवारांच्या राष्ट्रवादीचे 16, शिंदेसेनेचे 2, एमएमआयएमचा 1, तर अपक्ष 4 नगरसेवकांनी मिळून 23 सदस्यांचा नवा गट स्थापन केलाय. या गटाच्या गटनेतेपदी अजित पवारांच्या राष्ट्रवादीचे वैजनाथ सोळंके यांची निवड करण्यात आलीय.. तर दुसरीकडे परळीत शरद पवारांच्या राष्ट्रवादीचे 2, काँग्रेस 1 तर आणखी अपक्ष 2 नगरसेवक निवडून आलेत... त्यात भाजपच्या 7 नगरसेवकांनी वेगळा गट स्थापन केलाय...

दुसरीकडे स्थानिक पातळीवर अशी युती झाली असताना एकनाथ शिंदे आणि इम्तियाज जलील यांच्यात चांगलीच जुंपलीय... जलीलांनी तर शिंदेंचा उल्लेख "गुस्ताख-ए-रसूल" असा केलाय..दरम्यान नवनिर्वाचित गटनेत्यांनी मात्र ही युती जनतेचे पश्न सोडवण्यासाठी झाली असल्याच म्हटलयं..

नगरपरिषदेच्या निवडणुकीत अनेक ठिकाणी कट्टर वैरी सत्तेसाठी एकत्र आले... सत्ताकारण करताना जवळपास सर्वच पक्षांनी विचारधारा, राजकीय नितीमत्ता याला तिलांजली दिली असल्यानं राजकारणाचा मात्र चिखल झालाय.