Maharashtra BJP News: भाजप नेते गिरिश बापट यांच्या निधनानंतर पुणे लोकसभेच्या निवडणूकीचे सर्वच राजकीय पक्षांना वेध लागले आहेत. अनेकांनी या जागेवर निवडणूक लढवण्याची इच्छा व्यक्त केली आहे. या लोकसभा जागेवर भाजप कोणाला उमेदवारी देणार याकडे सर्वांचे लक्ष लागले असतानाच भाजपने २०२४ च्या निवडणूकीची तयारी सुरू केली आहे. ज्यासाठी भाजपने मतदार संघातील निवडणूक प्रमुखांची यादी जाहीर केली आहे. (Maharashtra Politics)

याबाबत अधिक माहिती अशी की, आगामी २०२४ (Loksabha Election) च्या लोकसभा निवडणूकीचे सर्वच राजकीय पक्षांना वेध लागले आहेत. त्या दृष्टीने भारतीय जनता पक्षाने आत्तापासूनच मोर्चेबांधणीस सुरूवात केली असून राज्यातील पक्ष संघटनेमध्ये मोठे फेरबदल केली जाण्याची शक्यता वर्तवली जात आहे.

त्याआधी भाजपने प्रत्येक मतदार संघातील निवडणूक प्रमुखांची यादी जाहीर केली आहे. भाजप प्रदेशाध्यक्ष चंद्रशेखर बावनकुळे (Chandrashekhar Bawankule) यांनी ही घोषणा केली असून या यादीत महाराष्ट्रातील लोकसभेच्या ४८ मतदारसंघांचे निवडणूक प्रमुख जाहीर करण्यात आले आहेत. तसेच, महाराष्ट्रातील सर्व २८८ विधानसभा मतदारसंघांच्या निवडणूक प्रमुखांच्या नियुक्त्या केल्या. (Maharashtra Politics News)

यामध्ये पुण्यातील (Pune) तीन लोकसभा मतदारसंघावर भाजपने विशेष लक्ष केंद्रीत केले आहे. पुणे लोकसभा मतदारसंघाची निवडणूक प्रमुख म्हणून मुरलीधर मोहोळ (Murlidhar Mohol) यांच्याकडे जबाबदारी देण्यात आली आहे. बारामती (Baramati) लोकसभा मतदारसंघाची जबाबदारी पुन्हा राहुल कुल यांच्याकडे दिली आहे. तर शिरूर लोकसभा मतदारसंघाची जबाबदारी महेश लांडगे यांच्यांकडे दिली आहे.