सूरज मासुरकर, मुंबई|ता. १२ मार्च २०२४

Maharashtra Politics News:

गेल्या अनेक वर्षांपासून चर्चेत असलेला नागरिकता दुरुस्ती कायदा (CAA) केंद्र सरकराने लागू केला केला आहे. यामुळे पाकिस्तान, बांगलादेश आणि अफगाणिस्तानमधील बिगर मुस्लिम निर्वासितांना नागरिकत्व मिळण्याचा मार्ग मोकळा होईल. केंद्र सरकारच्या या निर्णयानंतर शिवसेना ठाकरे गटाने हा निवडणुकीचा जुमला असल्याचे टीका केली. यावरुन आता भाजप नेते आशिष शेलार यांनी पलटवार केला आहे.

काय म्हणालेत आशिष शेलार?

आघाडी करुन मुख्यमंत्री झाल्यानंतर दिल्लीत गेले तेव्हापर्यंत श्रीमान उध्दव ठाकरे (Uddhav Thackeray) यांनी नागरिकत्व दुरुस्ती कायद्यावर (सीएए) केंद्र सरकारचे समर्थन केले होते. आज दै. सामनाने "हा निवडणूक जुमला" असे संबोधून पश्चिम बंगाल, केरळ, तामिळनाडू यांची नकारघंटेची भूमिका ठळकपणे अधोरेखित केलेय.

तसेच भूमिकांमध्ये "यु-टर्न फेम" उबाठा गठाला आमचा थेट सवाल आहे..सीएए (CAA) बाबत तुमची भूमिका काय? शरणागती हिंदूना तुमचा विरोध आहे का? इथे ही यु-टर्न घेणार की काय? असा थेट सवाल आशिष शेलार (Ashish Shelar) यांनी उपस्थित केला आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

सामनामधून टीका..

लोकसभा निवडणुकीच्या (Loksabha Election 2024) तोंडावर मोदी सरकारने निवडणूक जुमल्याची चाल खेळली आहे. देशात नागरिकत्व सुधारणा अर्थात सीएए कायदा लागू करण्याचा वटहुकूम भाजप सरकारने आज अचानक जारी केला असून मध्यरात्रीपासूनच हा कायदा लागू झाला आहे. अशी टीका सामना अग्रलेखामध्ये करण्यात आली होती. (latest Marathi News)