त्याच दरम्यान भाजप बहुतेक जिल्ह्यात आपली ताकद वाढवत आहे. पक्षाची मोर्चेबांधणी करत इतर पक्षातील नेत्यांना आपल्या पक्षात प्रवेश करून घेत आहेत. एकीकडे भाजप आपण मोठा भाऊ असल्याचं म्हणतंय. महायुतीमधील इतर पक्ष दुखावतील अशी विधाने करू नका अशा सुचना भाजप पक्षश्रेष्ठींकडून कार्यकर्त्यांना देण्यात येत आहेत. त्याचवेळी भाजप आपल्याच मित्र पक्षातील नाराज नेत्यांना घेरत त्यांना आपल्या पक्षात सामील करू घेत आहेत.

राज्यात नगर परिषद व नगर पंचायत निवडणुकीला प्रशासन लागले असून नगरसेवक पदाचे आरक्षण देखील जाहीर झाले आहेत, त्यासोबतच राजकिय वातावरण देखील तापत आहे. ,यात भंडारा शहरातील राजकीय समीकरण बदल दिसून येत आहे. सत्ताधारी शिवसेनेच्या गटात ऑल इज वेल नसल्याचं दिसून येत आहे. त्यामुळे शिंदे गटाला येत्या दिवसात मोठा धक्का बसण्याचीचिन्ह दिसून येत होते. त्याचाच भाग रावलानी यांचा भाजप प्रवेश.

गेल्या काही दिवसांपासून शिवसेनेचे लोकसभा प्रमुख जॅकी रावलानी हे नाराज होते. शिंदे गटात लोकशाही राहिली नसल्याचे आरोप जॅकी रावलानी यांनी केले. पक्षाच्या कारभारावर नाराज असलेले जॅकी रावलानी हे नारात होते, त्यातून त्यांनी भाजपाची वाट धरली. आज जॅकी रावलानी यांनी भाजप मध्ये प्रवेश घेतला.भंडारा शहरात शिंदे गटाला जॅकी रावलानी यांच्या भाजप मध्ये प्रवेशाने मोठा धक्का बसण्याची शक्यता राजकीय क्षेत्रात बोलले जात आहे.