महापालिका निवडणूक झाली. राज्यातील 29 पैकी 28 महापालिकांच्या महापौरांची निवडही झाली. मात्र अजूनही भिवंडीचा तिढा काही सुटला नाही. त्यातच आकड्यांची जुळवाजुळव करणाऱ्या भाजपचा गेम करण्यासाठी शिंदेसेनेनं थेट महापौर आणि उपमहापौरपदासाठी शड्डू ठोकलाय.

महत्वाची गोष्ट म्हणजे भिवंडी निजामपूर महापालिकेचा निकाल लागताच कोणार्क विकास आघाडी आणि शिंदेसेना एकत्र येण्याची चर्चा सुरु झाली. त्याच दरम्यान विलास पाटील यांना जुन्या गुन्ह्यात अटक कऱण्यात आली. त्यामुळे भिवंडीत राजकीय वातावरण तापलं होतं.. त्यातच आता विलास पाटील यांनी पोलीस बंदोबस्तात महापौरपदासाठी अर्ज दाखल केलाय. मात्र भिवंडीतील संख्याबळ कसं आहे? पाहूयात.

भिवंडी महापालिकेत 90 जागा आहेत. त्यापैकी भाजपनं 22 जागा जिंकल्या. काँग्रेसनं 30, शिंदेसेनेनं 12 तर पवारांच्या राष्ट्रवादीनंही 12 जागा जिंकल्या.. दुसरीकडे भिवंडी विकास आघाडीचे 3, समाजवादी पक्षाचे 6 , कोणार्क विकास आघाडीचे 04 आणि 1 अपक्ष नगरसेवक निवडून आलाय. आता शिंदेसेनेकडे केवळ 12 नगरसेवकांचं संख्याबळ असतानाही शिंदेसेनेनं आपली ताकद 4 जागा असलेल्या कोणार्क विकास आघाडीच्या मागे उभी करण्यामागे काय शक्यता आहेत.