Maharashtra CM Oath Ceremony Live Updates : मुंबईतील आझाद मैदानावर महायुतीचा शपथविधी सोहळा संपन्ना होणार आहे. महायुतीकडून जय्यत तयारी करण्यात आली आहे. एकनाथ शिंदे आज उपमुख्यमंत्रिपदाची शपथ घेणार की नाही? याबाबत सपेन्स वाढला आहे. शिवसेनेच्याच निमंत्रण पुत्रिकेत एकनाथ शिंदे यांचं नाव नाही. त्यामुळे आजच्या शपथविधी सोहळ्यात एकनाथ शिंदे उपमुख्यमंत्रिपदाची शपथ घेणार का? याबाबत राजकीय चर्चेला उधाण आले आहे.

देवेंद्र फडणवीस तिसऱ्यांदा महाराष्ट्राचे मुख्यमंत्री म्हणून शपथ घेतली. अजित पवार उपमुख्यमंत्री म्हणून शपथ घेणार हे बुधवारीच जाहीर झालं होतं. बुधवारी महायुतीच्या तिन्ही नेत्यांनी एकत्र पत्रकार परिषद घेतली होती. त्यामध्ये एकनाथ शिंदे यांनी आपण शपथ घेणार की नाही, याबाबत कळवू, असे उत्तर दिले होते. पण आता महायुतीच्या शपथविधीच्या निमंत्रण पुत्रिकेवरून त्यांचं नाव गायब झाल्यानंतर पुन्हा एकदा चर्चेला उधाण आले आहे.

एकनाथ शिंदे हे उपमुख्यमंत्रिपदाची शपथ घेणार की नाहीत याबाबत अद्याप संभ्रम कायम. शपथविधीला अगदी काही तास शिल्लक असताना शिवसेनेची निमंत्रण पत्रिका समोर आली. त्यावर एकनाथ शिंदे यांचं नाव नसल्याचं दिसतेय. त्यामध्ये फक्त देवेंद्र फडणवीस यांचेच नाव आहे. त्यामुळे चर्चेला उधाण आले. यावर शिवसेना नेते उदय सामंत यांनी प्रतिक्रिया दिली. उपमुख्यमंत्री म्हणून एकनाथ शिंदे यांच्याशिवाय दुसरे कुणाचेही नाव नाही, असे सामंत यांनी पत्रकार परिषदेत सांगितले.