Pandharpur News : मोदी सरकारने राखी पोर्णिमेच्या (raksha bandhan 2023) निमित्ताने घरगुती गॅसच्या दरात (domestic gas cylinder price) 200 रुपयांनी कपात केली आहे. ही कपात पुरेशी नाही, आणखी दोनशे रुपयांनी कपात करावी अशी मागणी करत पंढरपूर जवळच्या मोंडनिंब येथील मनसेच्या कार्यकर्त्यांनी गॅस टाकीला राखी बांधून अनोखे आंदोलन केले.(Maharashtra News)

मनसेचे जिल्हा अध्यक्ष प्रशांत गिड्डे यांच्या नेतृत्वाखाली महिला व कार्यकर्त्यांनी राखी पोर्णिमेचे औचित्य साधून मोदी सरकार विरोधात अनोखे आंदोलन केले. या आंदाेलनात मनसेचे कार्यकर्ते माेठ्या संख्येने सहभागी झाले हाेते.

यावेळी मनसेचे पदाधिकारी व कार्यकर्ते म्हणाले गेल्या नऊ वर्षात गॅस दरात मोठी वाढ केली आहे. केंद्र सरकारने केवळ दोनशे रुपयांची कपात केली आहे. ही कपात पुरेशी नाही. दिवाळी पर्यंत किमान पाचशे रुपयांनी गॅसचे दर कमी करावेत अशी मागणीही मनसेच्या वतीने करण्यात आली आहे.

Edited By : Siddharth Latkar