लोकसभेत राहुल गांधींनी हिंदू धर्मांवरून सत्ताधारी भाजपला घेरण्याचा प्रयत्न केला होता. त्याचे पडसाद सोमवारी राज्याच्या विधानपरिषदेत उमटले होते. विधान परिषद विरोधी पक्ष नेते ठाकरे गटाचे अंबादास दानवे आणि भाजप नेते प्रसाद लाड यांनी एकमेकांना शिवीगाळ केली होती. सभागृहात गदारोळ झाल्यानंतर माध्यमांशी बोलताना दानवेंनी आपला शिवसेनेचा बाणा कायम ठेवत लाड यांना दम भरला. त्यावरून आज विरोधी पक्ष नेते अंबादास दानवे यांना पाच दिवसांसाठी निलंबित करण्यात आलं आहे.

लोकसभेत राष्ट्रपतींच्या अभिभाषणावरील आभार प्रस्तावावर सोमवारी जोरदार खडाजंगी पहायला मिळाली. राहुल गांधींनी, धर्मगुरू व महापुरुषांची महापुरुषांनी घाबरू नका, दुसऱ्याला भीती दाखवू नका, अशी शिकवण दिली होती. मात्र, भाजप देशभर अल्पसंख्याकांविरोधात हिंसेला प्रोत्साहन देत आहे असल्या आरोप केला होता. त्यावर विधान परिषेदत भाजपचे नेते प्रसाद लाड यांनी निषेध प्रस्ताव मांडला. यावरून अंबादास दानवे आणि प्रसाद लाड यांच्यामध्ये हिंदुत्वाच्या मुद्द्यांवरुन जुंपल्याचे पाहायला मिळालं. दानवेंनी लाड यांना शिवीगाळ केली. दोन्ही नेत्यांना वाद झाल्यानंतर सभागृहाच्या सभापती निलम गोऱ्हे यांनी विधान परिषदेचं कामकाज स्थगित केलं होतं.

विधान परिषदेतचं अंबादास दानवे आणि भाजप नेते प्रसाद लाड यांनी एकमेकांना शिवीगाळ केली. त्यानंतर सभागृहात गदारोळ झाल्यानंतर माध्यमांशी बोलताना दानवेंनी लाड यांना दम भरला होता. माझ्यावर कोणी बोट उचललं तर मी त्याचा बोट तोडून टाकण्याची ताकद माझ्या मनगटात आहे, असल्यांचं वक्तव्य केलं होतं. त्यावरून आज कारवाई करत दानवेंचं ५ दिवसांचं निलंबन करण्यात आलं.

अंबादास दानवे यांचे निलंबन म्हणजे ठरवून केलेलं षडयंत्र : उद्धव ठाकरे

अंबादास दानवे यांना निलंबित करणाऱ्याचा एकतर्फी निर्णय घेण्यात आला, हे लोकशाहीला मारक आहे. दानवेंना बाजू मांडायला देण्याची गरज होती. ठरवून षडयंत्र रचून विरोधकांना निलंबित करण्याचा घाट घातला जात आहे. महाराष्ट्राची जनता डोळे उघडून हे पाहत आहे. आमच्या विजयाचा बातम्या मागे पडव्यात यासाठी हे प्रकार सुरू आहेत.