Uddhav Thackeray likely to contest Legislative Council election as MVA strategy takes shape Saam tv
महाराष्ट्र

मोठी बातमी! मविआकडून उद्धव ठाकरे लढवणार विधान परिषदेची निवडणूक

Uddhav Thackeray Likely to File Nomination for Legislative Council: महाविकास आघाडीकडून उद्धव ठाकरे महाराष्ट्र विधान परिषदेची निवडणूक लढवणार आहेत. ते लवकरच आपला उमेदवारी अर्ज दाखल करतील अशी शक्यता आहे.

Bharat Jadhav

  • ९ जागांसाठी निवडणुकीची तयारी जोरात

  • ठाकरे लवकरच उमेदवारी अर्ज दाखल करणार

  • महाराष्ट्रातील राजकारणात नव्या चर्चांना वेग

विधान परिषदेच्या ९ जागांसाठी होणाऱ्या निवडणूकीसाठी सर्व राजकीय पक्षांनी जोरदार तयारी सुरु केली आहे. आज भाजप आपल्या उमेदवारांची नावे जाहीर करणार आहे. दुसरीकडे महाविकास आघाडीच्या एक जागेबाबत निर्णय झाला आहे. ठाकरे गटाचे प्रमुख उद्धव ठाकरे विधान परिषदेची निवडणूक लढवण्यास तयार आहेत. गुरुवारी ते आपला उमेदवारी अर्ज देखील दाखल करणार आहेत, अशी माहिती सुत्रांनी दिली आहे.

दरम्यान उद्धव ठाकरे पुन्हा विधान परिषदेची निवडणूक लढवण्यास इच्छुक नव्हते. मविआच्या नेत्यांकडून त्यांची मनधरणी सुरू होती. त्यानंतर हाती आलेल्या माहितीनुसार उद्धव ठाकरेंनी निवडणूक लढवण्यावर होकार दिला आहे. उद्धव ठाकरे गुरुवारी आपला उमेदवारी अर्ज दाखल करणार आहेत. महाविकास आघाडीतील तिन्ही पक्ष मिळून विधान परिषदेची केवळ एक जागा निवडून येईल इतकेच संख्याबळ त्यांच्याकडे आहे. त्यात उद्धव ठाकरे उमेदवार असतील तर, ही निवडणूक बिनविरोध होण्याची शक्यता आहे.

विधान परिषदेच्या नऊ जागांसाठी येत्या १२ मे रोजी मतदान होणार आहे. तर उमेदवारी अर्ज दाखल करण्याची मुदत ३० एप्रिल आहे. अर्ज भरण्याच्या अखेरच्या दिवशीच उद्धव ठाकरे अर्ज भरणार आहेत. दरम्यान उद्धव ठाकरे हे आधी निवडणूक लढवण्यास इच्छुक नव्हते. ते त्यांच्या इतर नेत्यांना संधी देण्यास इच्छुक होते. ठाकरे गटाकडून अंबादास दानवे, सुषमा अंधारे, विनायक राऊत, वैभव नाईक, सूरज चव्हाण यांच्यासह अनेक नेत्यांची नावे विधान परिषदेसाठी चर्चेत आहेत.

परंतु उद्धव ठाकरे विधानपरिषद निवडणूक लढवणार नसतील, तर ही एक जागा आपल्या वाट्याला यावी, अशी काँग्रेसची मागणी होती. परंतु आता ठाकरे निवडणूक लढवणार असल्याची माहिती समोर आली आहे.

याप्रकरणी भाजपचे नेते केशव उपाध्ये यांनी प्रतिक्रिया दिली आहे. उद्धव ठाकरे हे विधान परिषदेची निवडणूक लढवणं निश्चित होतं. परंतु त्यांनी उगाच चर्चा निर्माण केली होती. जाणार हे निश्चित होतं, पण जाणार नाही, मला इच्छा नाही अशी चर्चा घडवण्याची गरज नव्हती असं उपाध्ये एका मराठी वृत्तवाहिनीशी बोलताना म्हणालेत.

शरद पवार यांनी जेव्हा उद्धव ठाकरे यांनी जावं असं म्हटलं होतं त्याचवेळीस सर्व विषय मिटला होता. यात काँग्रेसची फरकट होत आहे. त्यांना आता त्या निर्णयाला पाठिंबा द्यावा लागेल. त्यांची अवस्था बिकट झाली आहे, असंही उपाध्येस म्हणालेत.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

राघव चड्ढानंतर अरविंद केजरीवाल यांना आणखी एक झटका; बड्या नेत्याचा आम आदमी पक्ष सोडला!

'वंदे भारत'बाबत रेल्वे मंत्रालयाने घेतला मोठा निर्णय, PM मोदींनी ट्रेनला दाखवला होता हिरवा झेंडा

Gayatri Datar Wedding: 'तुला पाहते रे' फेम गायत्री दातार अडकली लग्नबंधनात! थाटामाटात पार पडला विवाहसोहळा, VIDEO व्हायरल

Maharashtra News Live Update: नाशिकच्या येवला तालुक्यात मुसळधार पाऊस, कांद्याचं झालं नुकसान

Thane Tourism : शाळेला सुट्टी पडली; लाडक्या मुलांसोबत प्लान करा फॅमिली ट्रिप, फिरा ठाण्यातील 'ही' २ सुंदर हिल स्टेशन्स

SCROLL FOR NEXT