हर्षवर्धन पाटील यांच्या कन्या अंकिता पाटील ठाकरे यांनी भाजपच्या सदस्यत्वाचा राजीनामा दिला आहे.भाजपच्या पुणे जिल्हा युवा मोर्चा जिल्हाध्यक्ष पदाचा आणि भाजपच्या सदस्यत्वाचा राजीनामा दिला. प्रदेशाध्यक्ष चंद्रशेखर बावनकुळे यांच्याकडे राजीनामा दिला.

शरद पवार यांच्या उपस्थित हर्षवर्धन पाटील यांचा प्रवेश होणार आहे. जयंत पाटील यांनी यासंदर्भात माहिती दिली. इंदापूर येथे सकाळी दहा वाजता पक्षप्रवेशाच्या कार्यक्रमाचा आयोजन आहे. सोमवारी सकाळी पक्ष प्रवेशाच्या कार्यक्रमाचे आयोजन करण्यात आले आहे.

श्रीमंत दगडूशेठ हलवाई गणपती ट्रस्टच्या अध्यक्षपदी सुनील रासने यांची निवड झाली आहे.श्रीमंत दगडूशेठ हलवाई सार्वजनिक गणपती ट्रस्टच्या विश्वस्त मंडळाच्या बैठकीत एकमताने निर्णय घेण्यात आला आहे. पुढील २ वर्षांकरीता सुनील रासने यांची अध्यक्षपदी निवड झाली आहे. तर माणिक चव्हाण यांची उपाध्यक्षपदी निवड झाली आहे.

मुंबई गुन्हे शाखेने केला बनावट कॉल सेंटरचा पर्दाफाश केला आहे. पोलिसांनी जोगेश्वरीतील दोन आणि आरे कॉलनीतील एक अशी एकूण तीन कॉल सेंटर सील केले आहेत. कॉल सेंटरच्या माध्यमातून हजारो लोकांची कोट्यावधी रुपयांची फसवणूक होत होती.

'जो माणूस काम करतो, तो लोकांसाठी करतो. जनतेसाठी काम करतो, त्याला त्याचा आत्मविश्वास असतो. आज घालमेळ व्हायचा विषयच नाही. मी पाचही वर्ष जनतेसाठी काम केले, सहकार्य केले. त्यामुळे माझा घालमेळ व्हायचा माझा विषय नाही, असे भरणे म्हणाले.

मराठ्यांचे मंत्री, खासदार, आमदार मराठ्यांकडे लक्ष देत नाहीत, अशी खंत मनोज जरांगेंनी व्यक्त केली आहे. मरणाचा पैसा गरिबांच्या जीवावर कमावला, आता त्यांना गरिबांची गरज नाही, झिरवाळ जातवान आहेत, त्यांना गरिबांची गरज आहे. ते आधी त्यांच्या जातीला किंमत देतात, असंही त्यांनी म्हटलं आहे.

मुख्यमंत्री एकनाथ शिंदे यांचा मालेगाव दौरा रद्द करण्यात आला आहे. देशातील सर्वात मोठ्या 650 एकर मध्ये साकारलेल्या कृषी विज्ञान संकुलाचे मुख्यमंत्र्यांच्या हस्ते लोकार्पण होणार होतं. मात्र मंत्रिमंडळ बैठक, आदिवासी आंदोलन आणि मालेगावमध्ये झालेल्या पावसामुळे दौरा रद्द करण्यात आला आहे.

राहुल गांधी यांचा कोल्हापूर दौरा रद्द झाला आहे. विमानात बिघाड झाल्याने दौरा रद्द करण्यात आला आहे. त्यामुळे ते उद्या सकाळी ८.३० वाजता कोल्हापुरात येणार आहेत.

केंद्र सरकारने घेतलेल्या या निर्णयाचे मी स्वागत करतो. मराठी भाषेला अभिजात दर्जा मिळाला आहे. आता शिव्या दिल्या तरी मराठीत द्या, त्या अभिजात आहेत. इथलं कौतुकही अभिजात आहे,असं यावेळी तरडे म्हणाले.

महाराष्ट्रातील अहमदनगर जिल्ह्याचे नाव पुण्यश्लोक अहिल्यादेवी जिल्हा करण्याच्या मागणीला शुक्रवारी राज्य मंत्रिमंडळाच्या बैठकीत मंजुरी देण्यात आली. केंद्र सरकारकडून प्रस्तावाला मंजुरी मिळाल्यानंतर अहमदनगर जिल्हा आता अहिल्यानगर या नावाने ओळखला जाईल.

बदलापूर लैंगिक अत्याचार प्रकरणी शाळेच्या मुख्याध्यापिका अर्चना आठवले न्यायालयात सरेंडर केलं होतं. त्यांना आज जामीन मंजूर झाला आहे.

पंकजा मुंडे आज पुणे दौऱ्यावर असून त्यांनी आज संघाच्या मोतीबाग कार्यालयाला भेट दिली. मोतीबाग हे पुण्यात राष्ट्रीय स्वयंसेवक संघाचे कार्यालय आहे. आज दुपारी पंकजा मुंडे संघाच्या कार्यालयात झाल्या दाखल होत्या.

ओबीसी नेते श्रावण देवरे यांनी काल एक वादग्रस्त पोस्ट आपल्या फेसबुक अकाउंटवरून केली आणि त्यानंतर मराठा विरुद्ध ओबीसी असा वाद नाशिकमध्ये सुरू झाला. श्रावण देवरे यांच्या विरोधात संभाजी ब्रिगेड देखील आक्रमक झाले आणि देवरे यांना मिळेल तिथे त्यांच्या तोंडाला काळ फासणार असा इशारा दिला.

10 ऑक्टोंबरच्या आसपास विधानसभा निवडणुकीची आचारसंहिता लागेल,असं मत राष्ट्रवादी काँग्रेसचे नेते शरद पवार यांनी व्यक्त केलय,तसेच आचारसंहिता 10 ऑक्टोबरला लागल्यास आश्चर्य वाटायचं कारण नाही,असे देखील स्पष्ट करत केंद्रीय गृहमंत्री अमित शहा महाराष्ट्रात येऊन आपल्यावर आणि उद्धव ठाकरेंवरच बोलतात,पक्ष फोडण्याची भाषा करतात,गृहमंत्री म्हणून ते अशी भाषा वापरतात,अशी टीका देखील शरद पवारांनी अमित शहा यांच्यावर केली,सांगलीच्या मिरजेतील अंबाबाई तालीम संस्थेच्या फार्मसी महाविद्यालयाच्या नूतन इमारीचे इमारतीच्या उद्घाटन प्रसंगी ते बोलत होते.

धुळ्यात स्वराज्यरक्षक धर्मवीर छत्रपती संभाजी राजे स्मारक समिती व धुळे महानगरपालिकेच्या वतीने उत्तर महाराष्ट्रातील पहिले 30 फुटी संभाजी राजे स्मारकाचे नागपूर येथील मुधोजी राजे भोसले यांच्या हस्ते अनावरण करण्यात आले आहे, यावेळी धुळे शहरातील सर्वपक्षीय नेतेमंडळी देखील या कार्यक्रमाला उपस्थित असल्याचे बघावयास मिळाले आहे,

धुळे शाळेतील पांझरा नदी काठावर असलेल्या संभाजी महाराज उद्यानात हा पुतळा उभारण्यात आला असून, याठिकाणी मोठ्या संख्येने धुळेकर नागरिकांची मोठ्या संख्येने उपस्थिती बघावयास मिळाली आहे...

राहुल गांधी यांच्या दौऱ्यामुळं काँग्रेसला बळ मिळेल

सतेज पाटील यांचे वक्तव्य

महाविकास आघाडीला बळ मिळेल

लोकसभा निवडणुकीत सामान्य माणूस आमच्या बरोबर होता

आताही विधानसभा निवडणुकीत तो आमच्याबरोबर राहिल

नाशिकमध्ये इच्छुकांच्या मुलाखतीदरम्यान श्रीरामपूर काँग्रेसच्या दोन गटांमध्ये गोंधळ

काँग्रेसच्या दोन गटांची एकमेकांविरोधात घोषणाबाजी

आपल्याच पक्षाच्या आमदाराविरोधात घोषणाबाजी करणे योग्य नाही

आमदार लहू कानडे यांचे वक्तव्य

नाशिकमध्ये ओबीसी नेते श्रावण देवरे यांना पोलिसांनी घेतलं ताब्यात

दोन समाजात तेढ निर्माण करणारी पोस्ट सोशल मीडियावर टाकल्याने श्रावण देवरे यांच्यावर उपनगर पोलीस ठाण्यात गुन्हा दाखल

उपनगर पोलिसांनी राहत्या घरातून श्रावण देवरे यांना घेतलं ताब्यात

मराठा आंदोलन श्रावण देवरे यांच्या घरी पोहोचण्याआधीच पोलिसांनी श्रावण देवरे यांना घेतलं ताब्यात

केंद्रीय मंत्री किरण रिजुजी यांनी दीक्षाभूमीला भेट दिली

डॉ. बाबासाहेब आंबेडकर यांच्या अस्थींकलेश याना अभिवादन

तथागत गौतम बुद्ध यांच्यासमोर नतमस्तक झाले

दीक्षाभूमी संदर्भात माहिती सुद्धा जाणून घेतली

राज्यपाल नियुक्त विधानपरिषदेच्या १२ आमदारांची नेमणूक प्रकरण

आचारसंहितेच्या आधीच १२ आमदारांच्या बाबत होणार अंतीम निर्णय.

गेल्या साडे ४ वर्षांपासून १२ आमदारांच्या नेमणूकीवरून जोरदार राजकारण.

निवडणूक जाहिर होण्यापूर्वीच महायुतीकडून यावर होणार निर्णय.

महायुतीत जागावाटपात कठीण असणार्या १२ जागांची बंडखोरी रोखण्यासाठी या आमदारांची नेमणूकीचा रामबाण उपाय.

यवतमाळ आणि वाशिम जिल्ह्याचे पालकमंत्री संजय राठोड यांच्या वाहनाला पहाटे दरम्यान कोपरा येथे अपघात झाला. या संदर्भात मंत्री संजय राठोड यांनी तातडीची पत्रकार परिषद बोलवून त्यात अपघात झालेल्या वाहनात मी नव्हतो आणि मी पूर्ण पणे सुखरूप आहे. ज्या वाहनाचा अपघात झाला. त्यात आपण नव्हतो, असे पालकमंत्री राठोड यांनी स्पष्ट केले. ऑल इंडिया बंजारा समाजाच्या पदाधिकाऱ्यांसोबत चर्चा करायची असल्याने दुसऱ्या वाहनाने प्रवास करीत होतो,असे पालकमंत्री राठोड यांनी स्पष्ट केले.या अपघाताची चौकशी करण्यात येणार असून, खासगी वाहनाला झालेल्या अपघातात चालक जखमी झाला आहे. जखमी झालेल्या चालकाला बाहेर काढून त्याला उपचारासाठी यवतमाळ पाठविण्याची देखील माहिती त्यांनी यावेळी दिली.

कोल्हापुरातील कसबा बावडा परिसरात छत्रपती शिवाजी महाराज यांचा पूर्ण कृती पुतळा उभारण्यात आलेला आहे. याचे अनावरण आज सायंकाळी काँग्रेस नेते राहुल गांधी यांच्या हस्ते होणार आहे. छत्रपती शिवाजी महाराजांच्या दोन्ही हातांमध्ये दोन शस्त्र या पुतळ्याच्या निर्मितीमध्ये दाखवण्यात आलेली आहेत. महाराजांच्या दोन्ही हातात दोन शस्त्र असणारा हा देशातला पहिला पुतळा असणार असल्याची माहिती काँग्रेस आमदार ऋतुराज पाटील यांनी साम टीव्ही सोबत बोलताना दिलेली आहे.

कोणत्याही अटी किंवा शर्तीशिवाय पक्षात प्रवेश करण्याची राष्ट्रवादी कॅाग्रेसची हर्षवर्धन पाटील यांना अट घालण्यात आली.

- ⁠इंदापुर मधून विधानसभेला उमेदवारी देण्याचं आश्वासन नाही

- ⁠तुम्हाला पक्षात यायचे आहे, त्यामुळे तुम्हीच पक्षात येणार असल्याचे जाहीर करा. राष्ट्रवादीची हर्षवर्धन पाटील यांना सुचना.

महाराष्ट्र राज्य माध्यमिक व उच्च माध्यमिक शिक्षण मंडळामार्फत फेब्रुवारी-मार्चमध्ये घेण्यात येणाऱ्या दहावीच्या परीक्षेसाठी विद्यार्थ्यांचे ऑनलाइन अर्ज भरून घेण्यास येत्या सोमवारपासून सुरवात होणार आहे.

दहावीची परीक्षा देणाऱ्या नियमित विद्यार्थ्यांचे अर्ज सरल डेटाबेसवरून ऑनलाइन पद्धतीने शाळा प्रमुखांमार्फत भरून घेण्यात येणार आहेत.

- मराठी भाषेला अभिजात भाषेचा दर्जा मिळाल्याबद्दल शिंदेंच्या शिवसेनेकडून जल्लोष

- नाशिकच्या कुसुमाग्रज स्मारकात शिंदेंच्या शिवसेनेचा जल्लोष

- ढोल ताशाचा गजर आणि फटाक्यांची आतषबाजी करत शिंदेंच्या शिवसेनेचा जल्लोष

- शिवसैनिकांनी पेढे वाटून साजरा केला आनंद

- अनेक वर्षांपासून प्रलंबित असलेली मागणी पूर्ण झाल्याबद्दल केंद्र आणि राज्य सरकारचे मानले आशीर्वाद

भाजपच्या माजी नगरसेवकाकडून भाजपा जिल्हाध्यक्ष संदीप नाईक यांना पदावरून काढण्याची मागणी.

संदीप नाईक यांच्याकडून वारंवार त्रास देण्यात येत असल्याचा केला आरोप.

जिल्हाध्यक्ष संदीप नाईक यांच्या ऐवजी सर्वसमावेशक जिल्हाध्यक्ष द्या.

माजी नगरसेवक भरत जाधव यांची प्रदेशाध्यक्षांकडे मागणी.

संदीप नाईक यांच्या उमेदवारीला देखील विरोध करत संदीप नाईकांना उमेदवारी दिल्यास अपक्ष लढण्याचा दिला इशारा.

नवी मुंबई भाजपामधील अंतर्गत वाद चव्हाट्यावर.

गेल्या दोन महिन्यांपासून MIM पक्ष हा महाविकास आघाडी बरोबर येण्यासाठी इच्छुक आहे, असं प्रसार माध्यमाद्वारे ऑफर देणाऱ्या एमआयएमच्या प्रदेशाध्यक्ष इम्तियाज जलील यांनी आता महाविकास आघाडीकडे 28 जागांसाठीचा प्रस्ताव दिला आहे अशी चर्चा आहे.

इंदापूर शहरातील भाजप कार्यालयाचे पोस्टर काढले

मोदी, शहा, फडणवीस बावनकुळे यांचे फोटो हटविले

काल रातोरात शहरातील भाजप कार्यालयाचे सर्व फोटो व फ्रेम काढून टाकल्या

आज माजी मंत्री हर्षवर्धन पाटील त्यांची भूमिका मांडणार

पाटील शरद पवार यांच्या राष्ट्रवादी काँग्रेस पक्षात जाणार

कोल्डप्ले कॉन्सर्ट तिकिटांच्या काळाबाजार प्रकरणी गुन्हा दाखल.

३० जणांविरोधात विलेपार्ले पोलीस ठाण्यात गुन्हा दाखल.

बुक माय शो च्या तक्रारीवर करण्यात आला गुन्हा दाखल.

संशयितांची नाव, मोबाईल क्रमांक, त्यांच्या संकेतस्थळांची तसेच समाज मध्यमांवरील खात्यांची माहिती केली बुक माय शो ने पोलिसांकडे सुपूर्द.