युवा सेना प्रमुख आदित्य ठाकरे यांनी चाकण एमआयडीसी परिसरातील खड्ड्यांची पाहणी करून तेथील उद्योजकांची संवाद साधत त्यांच्या समस्या जाणून घेतल्या होत्या. त्यानंतर आज आदित्य ठाकरे त्यानंतर आज आदित्य ठाकरे हिंजवडी आयटी पार्क आणि तेथील एमआयडीसी परिसरातील पाहणी करणार आहेत. चाकण सारखेच मोठ्या प्रमाणात हिंजवडी आयटी पार्क परिसरात देखील रस्त्यावर खड्डे पडले आहेत. अरुंद रस्ते असते आणि रस्त्यावर पडलेल्य खड्ड्यांमुळे हिंजवडी मान आणि मारुंजी या आयटी पार्क परिसरामध्ये दर दिवशी मोठ्या प्रमाणात वाहतूक कोंडी होते. या सर्व परिस्थितीचा आढावा घेऊन आदित्य ठाकरे आज दुपारी या विषयावर पत्रकार परिषद घेणार आहेत.

अमरावती येथील महर्षी पब्लिक स्कूल मधील धक्कादायक घटना..

चिखलदरा तालुक्यातील कारंजखेडा येथील इयत्ता अकरावीचा विद्यार्थी राजेश बाबू बेठेकर याचा दुर्दैवी मृत्यू झाला आहे

अमरावतीच्या नागपुरी गेट पोलीस ठाण्याच्या हद्दीत झालेल्या मोठ्या घरफोडीचा गुन्हे शाखा युनिट क्रमांक २ ने पर्दाफाश केला आहे. तब्बल ४९८ ग्रॅम सोने आणि दोन लाख रुपये रोख चोरीला गेल्याच्या या प्रकरणात अकोला येथील विधीसंघर्षीत बालकाला ताब्यात घेण्यात आले आहे. पोलिसांनी त्याच्याकडून सोन्याच्या दागिन्यांसह तब्बल ७२ लाख २७ हजार ८०० रुपयांचा मुद्देमाल जप्त केला आहे. सुमारे २०० सीसीटीव्ही फुटेज, तांत्रिक विश्लेषण आणि विविध जिल्ह्यांमध्ये केलेल्या तपासानंतर पोलिसांना हे यश मिळाले. पुढील तपास नागपुरी गेट पोलीस आणि गुन्हे शाखेकडून सुरू आहे.

रायगडमधील दिघी बंदराच्या प्रस्तावित विस्तार प्रकल्पाला पर्यावरण विषयक जनसुनावणी दरम्यान मच्छीमारांनी जोरदार विरोध केला. तब्बल 42 हजार 500 कोटी रुपयांच्या या प्रकल्पामुळे पारंपरिक मासेमारी क्षेत्र आणि समुद्रातील सागरी परिसंस्थेवर परिणाम होण्याची भीती मच्छीमारांनी व्यक्त करण्यात आली. परिसरातील हजारो मच्छीमार बांधव, भगिनी यावेळी उपस्थित होते.

धाराशिवच्या कळंब येथील उपजिल्हा रुग्णालयातील अपुऱ्या सुविधा,डॉक्टरांची उपलब्धता, रुग्णांना वारंवार केले जाणारे रेफर तसेच रात्रीच्या वैद्यकीय सेवा बाबतच्या तक्रारी वाढल्या असुन या पार्श्वभूमीवर धाराशिव ठाकरे गटाचे आमदार कैलास पाटील यांनी उपजिल्हा रुग्णालयातील वैद्यकीय अधिकाऱ्यांना धारेवर धरले.दरम्यान यावेळी त्यांनी रुग्णालयाची पाहणी करून अधिकाऱ्यांची बैठक घेतली ज्यांना नोकरी करायची नाही ज्यांना स्वतःचे खाजगी हॉस्पिटल चालवायचे आहे,त्यांनी सरकारी नोकरीचा राजीनामा द्यावा मात्र सरकारी रुग्णालयात राहून रुग्णसेवेत हलकर्जीपणा खपवून घेणार नाही असे खडे बोल आमदार कैलास पाटील यांनी प्रशासनाला सुनावले. आहेत.रुग्णांच्या सातत्याने येणाऱ्या तक्रारीवरून कैलास पाटलांनी बैठक घेत अधिकाऱ्यांना सूचना दिल्या.

चाकण औद्योगिक वसाहतीतील खड्डेमय रस्ते, वाहतूक कोंडी आणि पायाभूत सुविधांच्या अभावाविरोधात आता स्थानिक तरुणही मैदानात उतरलेत. जिल्हा परिषद सदस्य गणेश बोत्रे यांच्या नेतृत्वाखाली स्थानिक तरुणांकडून आजपासून चाकणमध्ये साखळी उपोषण सुरू करण्यात येणार आहे.

तुळजाभवानी मंदिरात नागपंचमीचा सण पारंपरिक पद्धतीने उत्साहात साजरा करण्यात आला. नागपंचमीनिमित्त मंदिरातील होमकुंडासमोर नागदेवतेची पूजा करण्यासाठी सकाळपासूनच स्थानिक महिला मोठ्या संख्येने उपस्थित होत्या.प्रथापरंपरेनुसार होमासमोर भवानी-शंकराचा पितळी नागफणा मांडण्यात आला होता. त्यासमोर चिखलाची नागदेवता तयार करून तिची पूजा करण्यात आली. महिलांनी नागदेवतेला दूध,लाह्या तसेच उकडलेले कानवले अर्पण करून पूजा केली.नागपंचमीच्या निमित्ताने सायंकाळी महिलांनी मंदिर परिसरात फेर,भुलई आदी पारंपरिक खेळ खेळून उत्साहात नागपंचमी साजरी केली.प्रथेनुसार सायंकाळी ५ ते ६ या वेळेत एक तास मंदिरात पुरुषांना प्रवेश बंद ठेवण्यात आला होता.

अंबरनाथमध्ये अवघ्या काही वर्षांपूर्वी बांधण्यात आलेला नाल्यावरील पूल अवजड ट्रकच्या वजनामुळे अक्षरशः तुटल्याची घटना समोर आली आहे. अंबरनाथ पूर्वेतील होलार सोसायटी आणि यशवंत सोसायटी परिसरात हा प्रकार घडला.

पशुपालकांना नैसर्गिक आपत्ती, साथीचे रोग, अपघात किंवा इतर कारणांमुळे जनावरांचा मृत्यू झाल्यास होणारे आर्थिक नुकसान भरून काढण्यासाठी शासनाने राष्ट्रीय पशुधन अभियान अंतर्गत पशुधन विमा योजना राबविण्यात प्रशासकीय व आर्थिक मंजुरी दिली असून यासंदर्भातील आदेश राज्य शासनाचे महासचिव नि.भा. मराळे यांनी काढले आहे या निर्णयामुळे राज्यातील पशुपालकांना दिलासा मिळणार आहे.