सातारा : काेराेनाचा प्रादुर्भाव राेखण्यासाठी राज्य सरकारने माेहरम muharram साध्या पद्धतीने साजरा करावा असे आवाहन केले आहे. मुस्लिम बांधवांनी यंदा १८ आणि १९ ऑगस्टला साजरा केला जाणारा माेहरम हा काेविड १९ च्या मार्गदर्शक तत्वांच्या covid-19 guideliness नियमांचे पालन करुनच साजरा करावा. राज्याच्या गृह विभागाने याबाबत काही सूचना निर्गमीत केल्या आहेत. हे सलग दुसरे वर्ष आहे राज्यातील कोणत्याही समाजासाठी कोणत्याही धार्मिक कार्यक्रमातील सार्वजनिक मिरवणुकीस procession परवानगी देण्यात आलेली नाही.

काेराेनाच्या पार्श्वभुमीवर गतवर्षी पासून राज्यात सण, उत्सव, समारंभ यावर निर्बंध आणले गेले आहेत. गर्दीचे कार्यक्रम टाळून नागरिकांनी आपले आराेग्य जपावे या हेतुने राज्य शासन सार्वजनिक रित्या काढल्या जाणा-या मिरवणुकांना बंदी घालत आले आहे. यंदा देखील आषाढी एकादशी निमित्त काढण्यात येणा-या पालख्यांवर निर्बंध घालण्यात आले हाेते. बेदूंर नंतर राज्यात सण, उत्सवांना प्रारंभ हाेता. येत्या १८ आणि १९ ऑगस्टला माेहरम आहे. यंदा देखील माेहरम साध्या पद्धतीने साजरा करण्याची सूचना गृह विभागाने केली आहे.

केंद्र आणि राज्य सरकारने सामाजिक आणि धार्मिक कार्यक्रमांवर घातलेल्या बंदीच्या अनुषंगाने या वर्षी मिरवणुकांना परवानगी दिली जाणार नाही. लोकांनी त्यांच्या घरात दुखवटा करावा असे परिपत्रकात म्हटले आहे. कत्ल की रात याबराेबरच याेम-ए-आशुरा या निमित्त काढण्यात येणा-या मातम मिरवणुका काढू नयेत असे स्पष्ट करण्यात आले आहे.

मुस्लिम बांधवांनी घरामध्येच माेहरमचा muharram tajiya दुखवटा पाळावा, पेठांमध्ये, काॅलनीमध्ये, साेसायट्यांमध्ये एकत्रित येऊन मातम अथवा दुखवटा करु नये, वाझ-मजलीसचा कार्यक्रम ऑनलाईन पद्धतीने आयोजित करावा, प्रशासनाच्या परवानगी शिवाय सबील-छबील बांधू नये, ताजिया काढू नये अशा सूचना करण्यात आल्या आहेत.