राज्यात हिंदूत्ववादी संघटनांचं हे आंदोलन आहे लव्ह जिहाद विरोधात.. पुण्यातील भिगवण आणि नाशिकमधील सिन्नरमध्ये लव्ह जिहादविरोधात आंदोलनं झाल्यानं कथित लव्ह जिहादच्या प्रकरणांवरून राजकारण तापलेलं आहे.त्यातच चालू अधिवेशनात राज्य सरकार लव्ह जिहादविरोधी कायदा लागू करण्याच्या तयारीत आहे...मंत्री नितेश राणेंनीच याच सुतोवाच केल..

दरम्यान राज्य सरकारनं कायदा लागू करण्यासाठी कशी तयारी सुरु केलीय... पाहूयात..

फेब्रुवारी 2025 मध्ये पोलीस महासंचालकांच्या अध्यक्षतेखाली समितीची स्थापना

उच्चाधिकार समितीकडून आतापर्यंत कायद्यासंदर्भात 2 ते 3 बैठका

देशातील 6 राज्यातील कायद्यांचं निरीक्षण सुरु

राज्यातील परिस्थितीचा अभ्यास करुन लव्ह जिहादविरोधी कायदा करण्याची प्रक्रिया सुरु

जबरदस्तीनं किंवा फसवणुकीनं होणाऱ्या धर्मांतराच्या प्रकरणांचा कायद्यासाठी अभ्यास

लव्ह जिहाद विरोधी कायद्यासाठी सत्ताधारी आमदार आणि मंत्री आग्रही असताना विरोधकांनी मात्र महाराष्ट्र राज्यात कायद्याची गरज काय? असा सवाल उपस्थित केलाय... सध्या भाजपशासित 6 राज्यांमध्ये लव्ह जिहाद विरोधी कायदा अस्तित्वात आहे. महाराष्ट्रातही हिंदूत्ववादी संघटना यासाठी आग्रही आहेत. मात्र लव्ह जिहाद विरोधी कायद्याची राज्याला खरचं गरज आहे का? धार्मिक धुव्रीकरणासाठी आणि राजकारणासाठी या कायद्याचा वापर होऊ नये यासाठी कायद्यात कोणत्या तरतुदी केल्या जाणार? कायद्याचा मसुदा समोर आल्यानंतर विरोधक हा कायदा स्विकारणार की सत्ताधारी बहुमताच्या जोरावर कायदा लागू करणार? हे पाहणं महत्त्वाचं ठरणार आहे...