विधानसभा निवडणुकीचा निकाल उद्या जाहीर होणार आहे. परंतु त्याआधीच कोण जिंकणार याकडे सर्वांचेच लक्ष लागले आहे. मतदानानंतर एक्झिट पोल जाहीर झाले आहेत. सकाळच्या एक्झिट पोलनुसार, वर्ध्यामध्ये पंकज भोयर हे संभाव्य आमदार आहेत.

वर्ध्यामध्ये भाजप आपला गड राखणार असल्याचे दिसत आहे. वर्ध्यामध्ये पंकज भोयर विरुद्ध काँग्रेसचे शेखर शेंडे अशी लढत होती. या लढतील भाजप जिंकणार असल्याचे दिसत आहे. पंकज भोयर हे मागील दोन टर्मपासून आमदार आहेत. त्यामुळे त्यांनी केलेल्या विकासकामांच्या जोरावर पुन्हा एकदा जनता त्यांना साथ देईल, असं सांगण्यात येत आहे.

वर्ध्यामध्ये बंडखोर उमेदवारांनीदेखील अर्ज दाखल केले होते. त्यामुळे वर्ध्याचे राजकारणाची चर्चा सर्वत्र होती.पूर्वी वर्धा या मतदारसंघात काँग्रेसचे वर्चस्व होते. परंतु २०१४ नंतर काँग्रेसचे वर्चस्व हळूहळू कमी होताना दिसत आहे.या निवडणुकीत भाजपने तिसऱ्यांदा पंकज भोयर यांना उमेदवारी दिली आहे. पंकज भोयर हे सलग तिसऱ्यांदा आमदार होण्याची शक्यता आहेत. (Wardha Assembly Election)