सध्या महाराष्ट्रात २० नोव्हेंबर रोजी सर्वत्र विधानसभा निवडणूका पार पडल्या आहेत. २३ तारखेला मतमोजणाी होणार आहे. यासंदर्भात सकाळ समूहाचा एक्झिट पोल समोर आला आहे. वसई मतदारसंघातून बहुजन विकास आघाडीचं पारडं जड दिसतंय. त्यामुळे याठिकाणी हितेंद्र ठाकूर यांना जास्तीत जास्त मत मिळण्याची शक्यता आहे. हितेंद्र ठाकूर याठिकाणी निवडून येऊ शकतात.

वसई विधानसभा मतदारसंघात बहुजन विकास आघाडी विरुद्ध भाजप अशी लढत होती. निवडणुकीसाठी मतदान घेण्यात आले. बहुजन विकास आघाडीच्या उमेदवाराचं या मतदारसंघात वर्चस्व पाहायला मिळालं. एक्झिट पोलमधून हा अंदाज वर्तवण्यात येत आहे.

वसई विधानसभेचे संभाव्य आमदार हे बहुजन विकास आघाडीचे हितेंद्र ठाकूर असतील असा अंदाज एक्झिट पोलमधून व्यक्त करण्यात आला आहे. त्यांच्याविरुद् भाजपचे स्नेहा दुबे यांना उमेदवारी देण्यात आली होती. पण बहुजन विकास आघाडीचे उमेदवार हितेंद्र ठाकूर हे आमदार होण्याची दाट शक्यता व्यक्त करण्यात आली आहे.

वसई विधानसभा मतदारसंघातील मतदान बुधवारी पार पडलं. याठिकाणी मोठ्या प्रमाणात उत्साह दिसून आला. गेल्या काही दिवसांपासून बहुजन विकास आघाडी, महायुती आणि महाविकास आघाडी यांच्यात तिरंगी लढत असल्याचे चित्र दिसून आले. गेल्या निवडणुकीत हितेंद्र ठाकूर यांनी २५ हजार ९९५ मतांची आघाडी मिळाली होती आणि समोर असलेले उमेदवार जे शिवसेनेमध्ये होते ते विजय पाटील यांचा पराभव झाला होता.