सध्या महाराष्ट्रात २० नोव्हेंबर रोजी सर्वत्र विधानसभा निवडणूका पार पडल्या आहेत. २३ तारखेला मतमोजणाी होणार आहे. यासंदर्भात सकाळ समूहाचा एक्झिट पोल समोर आला आहे. कर्जत खालापूर मतदारसंघातून अपक्षाचं पारडं जड दिसतंय. त्यामुळे याठिकाणी सुधाकर घारे यांना जास्तीत जास्त मत मिळण्याची शक्यता आहे. सुधाकर घारे याठिकाणी निवडून येऊ शकतात.

कर्जत खालापूर विधानसभा मतदारसंघात अपक्ष विरुद्ध शिंदे गट अशी लढत होती. निवडणुकीसाठी मतदान घेण्यात आले. अपक्ष निवडणूक लढत असलेल्या उमेदवाराचं या मतदारसंघात वर्चस्व पाहायला मिळालं. एक्झिट पोलमधून हा अंदाज वर्तवण्यात येत आहे.

शिंदे गटाला ही निवडणूक भारी पडणार, ही जागा भारी पडणार असल्याचं असं चित्र पाहायला मिळत आहे. कर्जत खालापूर विधानसभा मतदारसंघ आहे हा जो मतदारसंघ आहे येथे नेहमी बंडखोरी होत असल्याचे पाहायला मिळते. यंदा सुधाकर घारे जे आहेत ते अजित पवार यांच्या राष्ट्रवादीमधून त्यांनी बंड केलेलं होतं आणि ते आता अपक्ष निवडणूकीच्या रिंगणात उतरले आहेत आणि संभाव्य आमदार होण्याची शक्यता आहे.

कर्जत खालापूर विधानसभा मतदारसंघात अनअपेक्षित आणि धक्कादायक निकालांसाठी हा मतदारसंघ ओळखला जातो. या मतदारसंघात शिवसेना शिंदे गटाकडून महेंद्र थोरवे यांना उमेदवारी देण्यात आली होती. तर उद्धव बाळासाहेब ठाकरे गटाकडून नितीन सावंत हे निवडणुकीच्या रिंगणात होते. तर अपक्ष उमेदवार सुधाकर घारे यांच्या येण्याने येथे चुरशीची तिरंगी लढत पाहायला मिळाली. महेंद्र थोरवे यांनी मागच्या वेळी अनअपेक्षित विजय मिळवत सुरेश लाड यांना पराभवाचा धक्का दिला होता. मात्र यावेळची निवडणूक महेंद्र थोरवे यांच्यासाठी आव्हनात्मक असल्याचे पाहायला मिळालं.

कारण उद्धव बाळासाहेब ठाकरे गटाचे नितीन सावंत यांनी निष्ठावान या मुद्द्यावर ही निवडणूक लढवली. त्यामुळे महेंद्र थोरवे यांना त्याचा कुठेतरी फटका बसू शकतो. दुसरा महत्त्वाचा मुद्दा म्हणजे राष्ट्रवादीचे नेते सुनील तटकरे आणि महेंद्र थोरवे यांच्यातला संघर्ष यांच्यातलं वैर हे सर्वश्रृत आहे. पण त्याचाही महेंद्र थोरवे यांना फटका बसू शकतो. सुधाकर घारे यांनी दोन ते तीन वर्ष या मतदारसंघाच्या बांधणीसाठी घातली. त्यांचे कार्यकर्ते जोमाने काम करताना दिसून आले. त्यामुळे यात कोणाचा विजय होऊ शकतो हे सांगता येणार नाही असं असलं तरी सुधाकर घारे यांचा प्रचार पाहता सुधाकर घारे यांचं पारडं झाल्याचं दिसून येत आहे.