Satara : सातारा जिल्ह्यातील पाचगणी पालिकेचे मुख्याधिकारी गिरीश दापकेकर (girish dapkekar) यांनी केलेल्या कारवाईचा राग मनात धरून एकाने त्यांच्या अंगावर शाई फेकली. ही घटना पाचगणी मार्केट परिसरात घडली. दरम्यान या घटनेचा निषेध नाेंंदविण्यासाठी महाबळेश्वर (mahableshwar) आणि पाचगणी (panchgani) पालिकेच्या कर्मचाऱ्यांनी कामबंद आंदोलनास प्रारंभ केला. (Breaking Marathi News)

मुख्याधिकारी यांच्या अंगावर शाई फेकणाऱ्या व्यक्तीचं नाव अनमोल कांबळे असे आहे. मुख्याधिकाऱ्यांनी मनमानी कारभार केला असल्याचा आरोप कांबळे याने केला आहे. त्यांचा ट्रॅक्टर पालिकेच्या कामाला बांधून दिला होता. मात्र अनमोल कांबळे हा सोशल मीडियावर मुख्याधिकाऱ्यांची बदनामी करत असल्याचे निदर्शनास आल्यानंतर मुख्याधिकाऱ्यांनी त्यांच्यावर कारवाई करत सुरू असलेला ट्रॅक्टर बंद केला होता. (Panchgani Latest Marathi News)

याचा राग मनात धरून पाचगणी मार्केट परिसरात आज कांबळे याने मुख्याधिकारी यांच्यावर शाई फेकली. या प्रकरणी पाचगणी पोलिसांत गुन्हा दाखल करण्याची प्रक्रिया सुरू आहे. पालिकेच्या कर्मचाऱ्यांनी या घटनेचा निषेध करत वेण्णा लेकचे बोटिंग बंद ठेवलं आहे. (Maharashtra News)

Edited By : Siddharth Latkar