सचिन बनसोडे

Sangamner News: संगमनेर तालुक्यातील बोटा शिवारात असणाऱ्या वडदरा गावात उत्तम बाळाजी कुऱ्हाडे ( वय-६२ ) या व्यक्तीवर घरात घुसून बिबट्याने हल्ला केल्याची धक्कादायक घटना काल रात्रीच्या सुमारास घडली आहे. यात त्यांचा जागीच मृत्यूू झाला असून बिबट्याचा हल्यामुळे परिसरात भीतीचे वातावरण निर्माण झाले आहे. (Latest Marathi News)

संगमनेर (Sangamner) तालुक्यातील पठारभागात बिबट्याचे मानव वस्तीवर येण्याचे प्रमाण वाढले आहे. बोटा-अकलापूर रोडवरील वडदरा येथे वास्तव्यास असलेले उत्तम कुऱ्हाडे घरात टीव्ही पाहत होते. घराचा दरवाजा उघडा असल्याने परिसरातच दबा धरून बसलेल्या बिबट्याने (Leoprad) काही कळायच्या आत त्यांच्यावर घरात घुसून हल्ला चढविला.

मानेचा घोट घेत त्यांना जागीच ठार केले. त्यांच्या आईने जोरजोरात आरडाओरड केल्याने मृतदेह टाकून बिबट्याने पळ काढला. आजूबाजूच्या ग्रामस्थांनी घटनेची माहिती वनविभागाला दिली. (Ahmednagar News)

घटनास्थळी पोहचून त्यांनी या घटनेची माहिती घेतली. मृतदेह उत्तरीय तपासणीसाठी संगमनेर येथील कुटीर रुग्णालयात (Hospital) पाठविण्यात आला आहे. बिबट्याचा वावर पूर्वी पासून आहे मात्र आता तो मोठ्या प्रमाणात वाढला असून बिबटे माणसांवरही हल्ले करु लागले असल्याने वनविभागाने गावोगावी पिंजरे लावावेत अशी मागणी ग्रामस्थांनी केली आहे.