सुरज मासुरकर, प्रतिनिधी....

Maharashtra Politics: काही महिन्यांपूर्वीच पंतप्रधान नरेंद्र मोदी यांच्या हस्ते देशाच्या नव्या संसद भवनाचे उद्घाटन झाले. कॉंग्रेससह अनेक विरोधी पक्षांनी टाकलेल्या बहिष्काराने हा उद्घाटन सोहळा चांगलाच वादात सापडला होता. ९७० कोटी रुपये खर्चून तयार करण्यात आलेल्या या संसद भवनानंतर आता महाराष्ट्रात नवीन विधीमंंडळ तयार होणार असल्याची महत्वाची बातमी समोर आली आहे.

याबाबत समोर आलेल्या माहितीनुसार, नव्या संसद भवनाप्रमाणे (New Parliment Building) राज्यात नवे विधीमंडळ तयार करण्यात येणार असल्याची महत्वाची बातमी समोर आली आहे. सध्याच्या विधीमंडळ पार्किंग जागेतच हे नवे विधीमंडळ बांधण्याचा विचार सध्या सुरू आहे. याबाबत मुख्यमंत्री एकनाथ शिंदे (Eknath Shinde) यांना विधीमंडळ अध्यक्ष राहुल नार्वेकर (Rahul Narvekar) लवकरच प्रस्ताव देणार आहेत.

राज्यातल्या बदलत्या राजकारणाचा विचार करुन तसेच भविष्यातील आमदारांची संख्या विचारात घेवून हे विधीमंडळ भवन तयार करण्यात येणार आहे. या नव्या विधीमंडळात आमदारांच्या आसन व्यवस्था वाढवण्यात येणार आहेत. (Maharashtra Political News)

पावसाळी अधिवेशनाला सुरूवात...

राज्य विधिमंडळाचे सन २०२३ चे पावसाळी अधिवेशन १७ जुलै ते ४ ऑगस्ट २०२३ या कालावधीत मुंबई येथे होणार आहे. राजकारणात झालेल्या मोठ्या उलथ्यापालथीनंतर राजकीय समीकरणे पुर्णपणे बदलून गेली आहेत. त्यामुळे हे अधिवेशन चांगलेच वादळी ठरण्याची शक्यता आहे. (Latest Marathi News)