सागर आव्हाड, साम टीव्ही, प्रतिनिधी

Laxman Hake Chhagan Bhujbal : बीडमध्ये २८ सप्टेंबर रोजी ओबीसी समाजाद्वारे मेळाव्याचे आयोजन करण्यात आले आहे. या मेळाव्याच्या निमित्ताने बॅनर लावण्यात आले. या बॅनरमधून लक्ष्मण हाके यांचा फोटो गायब असल्याची माहिती समोर आली आहे. यामुळे मेळाव्याला लक्ष्मण हाके उपस्थित राहणार की नाही असा प्रश्न उपस्थित केला जात आहे.

ओबीसी समाजाच्या न्यायासाठी, हक्कांसाठी छगन भुजबळ यांच्या उपस्थितीमध्ये महाएल्गार सभा २८ सप्टेंबर रोजी आयोजित करण्यात आली आहे. या सभेच्या, मेळाव्याच्या बॅनरमध्ये लक्ष्मण हाके यांचा फोटो नसल्याने त्यांना मेळाव्यातून वगळण्यात आल्याची चर्चा सुरु झाली आहे. आता मेळाव्याला हाके उपस्थित राहणार का? ओबीसी आंदोलनात फूट पडली आहे का? असे प्रश्न विचारले जात आहे.