Gautami Patil Viral Video: गौतमी पाटील सातत्याने चर्चेचा विषय बनत आहे. काही दिवसांपूर्वी तिच्या एका कार्यक्रमात कपडे बदलतानाचा एक व्हिडिओ व्हायरल झाला होता. हा व्हिडिओ व्हायरल होताच एकच खळबळ उडाली. गौतमीच्या चाहत्यांने देखील या घटनेमुळे मोठा धक्का बसला. पुढे पोलिसांनी आणि राज्य माहिला आयोगाच्या अध्याक्षा रुपाली चाकणकर यांनी या प्रकरणी दखल घेतली. (Clothing controversies)

हा व्हिडिओ व्हायरल झाल्यानंतर गौतमीचे कार्यक्रम आता बंद पडतील का? या घटनेमुळे ती खचून गेली असावी अशी चर्चा देखील सुरू होती. मात्र या नंतर देखील गौतमी थांबली नाही. तिने तिचे कार्यम जसे आहेत तसेच सुरू ठेवले. आता गौतमीच्या कार्यक्रमांची गर्दी आधीपेक्षा जास्त प्रमाणात वाढलेली दिसते.

दरम्यान गौतमीचा व्हिडिओ व्हायरल झाल्यानंतर तिने याबाबत कोणतीही प्रतिक्रीया दिली नव्हती. अशात आता गौतमीची पहिली प्रतिक्रीया समोर आली आहे. गौतमीने यावेळी म्हटलं की, जेव्हा हा व्हिडिओ माझ्या समोर आला तेव्हा मी पूर्ण सुन्न झाले.

काय करावे आणि काय कारूनये हे मला सुचत नव्हते. त्यामुळे मी सर्वात आधी हा व्हिडिओ माझ्या आईला पाठवला. व्हिडिओ पाहून आईच्या मनाला देखील यातना झाल्या. बाहेर इतर कुणी आईला हा व्हिडिओ दाखवला असता तर तिला त्याने आणखी जास्त धक्का बसला असता. त्यामुळे मी स्वत:तिला हा व्हिडिओ दाखवला.

आई आणि मुलीमधील हा प्रसंग सांगताना गौतमीला अश्रू अनावर झाले होते. ती तिथेच रडू लागली. तसेच व्हिडिओ काढणाऱ्या आणि व्हायरल करणाऱ्या व्याक्तीला उद्देशून गौतमी पुढे म्हणाली की, त्या व्यक्तीला माझी प्रिसिद्धी पाहावली गेली नाही. त्याला मला बदनाम करायचे होते की माझे शो बंद पाडायचे होते याची मला कल्पना नाही. मात्र यामुळे मला मानसिकरीत्या मोठा त्रास सहन करावा लागला, असं गौतमी म्हणाली.