संदीप भोसले 
लातूर : लातूर जिल्ह्यातल्या लोदगा येथील जनता माध्यमिक व उच्च माध्यमिक विद्यालयात गेल्या अनेक महिन्यापासून गणित विषय शिकवण्यासाठी शिक्षक नाही. मागणी करून देखील शिक्षक मिळत नसल्याने दहावीच्या विद्यार्थ्यांनी चक्क शाळेला टाळे ठोकले आहे. यावेळी शाळेच्या गेट समोरच विद्यार्थी आणि पालकांनी ठिय्या मांडला. 

लातूर (Latur) जिल्ह्यातल्या लोदगा येथील जनता माध्यमिक व उच्च माध्यमिक विद्यालयाला विद्यार्थ्यांनी कुलूप ठोकले आहे. शाळेत गणित विषय शिकविण्यासाठी गेल्या अनेक वर्षांपासून शिक्षक नाही. अनेक वेळा मुख्याध्यापकाकडे गणित विषय शिकवण्यासाठी (Teacher) शिक्षक देण्याची मागणी करण्यात आली होती. मात्र मुख्याध्यापकांनी त्यांच्या मागणीकडे दुर्लक्ष केल्यामुळे विद्यार्थी आक्रमक झाले आहेत. त्यामुळे संतप्त विद्यार्थ्यांनी आज शाळेत जात कुलूप ठोकले आहे. यावेळी विद्यार्थ्यांचे पालक देखील उपस्थित होते. 

दहावीचे वर्ष महत्त्वाचे विद्यार्थ्यांच्या (Student) आयुष्यातील महत्त्वाच वर्ष आहे. अशा वेळी जर गणित सारख्या महत्त्वाच्या विषयाचा शिक्षक नसेल तर विद्यार्थ्यांच्या भवितव्याच काय होणार असा प्रश्न यावेळी उपस्थित केला जातो आहे. यामुळे शाळेला कुलूप ठोकत शाळेच्या बाहेर ठिय्या आंदोलन मांडण्यात आले. यामुळे आता गणिताचा शिक्षक मिळेपर्यंत आम्ही शाळा उघडू देणार नाही असा पवित्रा हि विद्यार्थ्यांनी घेतला आहे.