संदीप भोसले 
लातूर : मराठा आरक्षणासाठी आंदोलन सुरु असताना मराठा आरक्षण (Maratha Aarkshan) मिळावं यासाठी आणखी एका तरुणाने आत्महत्या केल्याची घटना समोर आली आहे. (Latur) लातूर जिल्ह्यातल्या उदगीर तालुक्यात ही घटना घडली असून या घटनेमुळे खळबळ उडाली आहे. (Latest Marathi News)

लातूर जिल्ह्यातील उदगीर तालुक्यातील वाढवणा या गावात राहणाऱ्या माधव भांगे (वय २७) या तरुणाने स्वतःच्या शेतात गळफास घेत आपले जीवन संपवलं आहे. मराठा आरक्षण (Maratha Reservation) मिळण्यासाठी आंदोलन सुरूच आहे. दरम्यान मंत्री आणि पुढाऱ्यांना गावबंदी केली असताना त्यावेळी मंत्री संजय बनसोडे यांचा ताफा अडविण्यासाठी माधव भांगे यांने पुढाकार घेतला होता. आरक्षणावर अजूनही तोडगा निघाला नसल्याने माधव भांगे या तरुणाने टोकाचे पाऊल उचलले आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

आरक्षणासाठी लातूर जिल्ह्यातच ८ आत्महत्या 

एकीकडे मराठा आरक्षणासाठी लढा सुरु असताना दुसरीकडे आरक्षणासाठी निर्णय घेतला जात नसल्याने राज्यात आत्महत्या केल्याच्या अनेक घटना समोर आल्या आहेत. मात्र एकट्या लातूर जिल्ह्यात आतापर्यंत मराठा आरक्षणासाठी एकूण ८ मराठा बांधवांच्या आत्महत्या केल्या असल्याचे धक्कादायक वास्तव समोर आले आहे.