लातुर : आंध्र प्रदेशातील हैदराबाद येथील व्यक्ती शिर्डी येथील देवदर्शनाहून परत जात असताना लातूर (Latur) जिल्ह्यातील औसा तालुक्यातील वाघोली पाटीजवळ कार आणि ट्रकचा भीषण अपघात (Accident) झाला. यात घटनास्थळी दोन व्यक्ती ठार झाले आहेत. तर चौघे गंभीर जखमी झाल्याने लातूरला हलवले आहे. या अपघातात वडील मुलगी जागीच ठार (Accident Death) झाले आहे. (Latur Accident News)

हैदराबाद येथील पाच व्‍यक्‍ती व सोबत चार बालके (Shirdi) शिर्डी येथील साईबाबांच्‍या दर्शनाला आले होते. साईबाबाचे दर्शन घेवून हैदराबादला परत जात असताना (Ausa) औसा तालुक्यातील वाघोली पाटीजवळ ट्रकसोबत समोरासमोर अपघात झाला. यात तनविका सायकुमार डूबली, सायकुमार डूबली या बाप– लेकीचा जागीच मृत्‍यू झाला.

पत्‍नीही गंभीर जखमी

पावित्रा सावरिया या गंभीर जखमी झाल्या असून लातूरात विवेकानंद हॉस्पिटलमध्ये शस्त्रक्रिया करण्यात येणार आहे. दरम्यान अपघातातील नविश, श्याम आणि शौर्य हे किरकोळ जखमी झाले आहेत. घटनस्थळी किल्लारी पोलिसांनी धाव घेतली आहे.