लातूर : लातूरहून अंबाजोगाईकडे भरधाव वेगात जात असलेल्‍या कापसाची वाहतूक करणारी ट्रक गतिरोधकावरून जम्प घेऊन एका घरात घुसून पलटी होऊन (Accident) अपघात झाल्याची घटना घडली आहे. अंबाजोगाई हायवेवर लातूर (Latur) शहरालगत असलेल्या बोरवटी पाटीवर येथे हा अपघात घडला. (Latest Marathi News)

लातूर– अंबाजोगाई मार्गावर झालेल्‍या या अपघातात ट्रक कर्नाटकच्या गफूर येथून कापूस घेऊन बीड जिल्ह्यातील केज येथे जात असताना अंबाजोगाई हायवेवर लातूर शहरालगत असणाऱ्या बोरवटी पाटीवरील गतिरोधकावर ट्रक जम्प झाला. त्यामुळे ट्रक चालक असिफ याचा ट्रकवरील ताबा सुटल्याने ट्रक थेट रोडलगत असलेल्या एका घरात घुसला आणि पलटी झाला.

सात लाखाचे नुकसान

सदर अपघातात सुदैवाने कोणतीही जीवितहानी झाली नाही. ट्रक चालक किरकोळ जखमी झाला आहे. मात्र घराची भिंत पडून आणि ट्रकचे सुमारे ५ ते ७ लाखांचे नुकसान झाल्‍याचा अंदाज वर्तविला जात आहे.