Jalna Crime News: जालना जिल्ह्यात गावठी दारुच्या हातभट्ट्यांवर पोलिसांनी मोठी कारवाई केली आहे. जालना अवैधरित्या गावठी दारू (Alcohol) तयार करून विकली जात असल्याची माहिती पोलिस अधीक्षक यांना मिळाली होती. या माहितीच्या आधारे स्थानिक गुन्हे शाखेच्या टीम आणि पोलिसांनी धाड टाकत मोठा दारुसाठा नष्ट केला आहे. (Jalna Crime News)

शहरातील कैकाडी मोहल्ला, सदर बाजार भागातीत ५ आड्यावर तर मंठा तालुक्यातील आष्टीत, घनसावनगी (Jalna) एका अशा आठ ठिकाणी धाडी टाकण्यात आल्या. अचानक टाकलेल्या धाडीत मोठ्या प्रमाणात गावठी दारू तयार करण्यासाठी जमिनीत पुरलेल्या ड्रममधील हजारो लिटर सडवा, रसायन नष्ट करण्यात आले. तसेच कोळसा, लाकडं, प्लास्टिक कॅन, टोपले, लोखंडी ड्रम, यांसह हातभट्टीसाठी लागणारे साहित्य असा जवळपास सहा लाख ८१ हजारांचा मुद्देमाल जप्त करून साहित उध्वस्त करण्यात आले.

अवैधरित्या गावठी हातभट्टी चालवणाऱ्या आरोपींविरुद्ध कारवाई केली गेली. या प्रकरणी आठ आरोपींविरुद्ध कदीम जालना, सादर बाजार, आष्टी आणि घनसावंगी पोलिस ठाण्यात दारू बंदी कायद्याअंतर्गत गुन्हा दाखल करण्यात आला आहे. तर आठ आरोपींना ताब्यात घेऊन त्यांना अटक करण्यात आली आहे.

Edited By - Akshay Baisane