Raigad Fort Landslide News : किल्ले रायगड व परिसरात सुरु असलेल्या पावसामुळे (गुरुवारी) नाणे दरवाजा मार्गावर परत दरड कोसळली आहे. गेल्या काही दिवसात गडचढणीच्या मार्गावर मोठ्या दरडी व दगड कोसळत आहेत. (Maharashtra News)

रायगड (raigad) जिल्हा प्रशासनामार्फत पायरी मार्ग हा 31 ऑगस्ट पर्यंत बंद करण्यात आला आहे. तरीही अशा परिस्थितीत काही शिवभक्त गडावर जाण्याचा प्रयत्न करतात हे निदर्शनास आले आहे.

असे जाणे धोकादायक होऊ शकते. तथापि, सुरक्षिततेच्या दृष्टिकोनातून शिवभक्तांनी व स्थानिकांनी पावसाळ्यामध्ये गडावर जाणे टाळावे असे आवाहन युवराज संभाजीराजे छत्रपती यांनी केले आहे.

दरम्यान सतत असा प्रकार वाढत असल्याने यावर कायम स्वरुपी उपाययोजनासाठी शासनाकडे सविस्तर प्रस्ताव रायगड विकास प्राधिकरणाच्या वतीने सादर केला जाईल असेही युवराज संभाजीराजे छत्रपती यांनी नमूद केले आहे.

Edited By : Siddharth Latkar