रत्नागिरी : कोकणात (kokan) सतत पडत असलेल्या मुसळधार पावसामुळे (rain) वारंवार अणुस्कुरा घाटामध्ये (anuskra ghat) दरड (landslide) कोसळण्याचे प्रमाण वाढत चालले आहे. आज (रविवार) सकाळी पाच वाजण्याच्या सुमारास पुन्हा एकदा अणुस्कुरा घाटामुळे दरड कोसळून रत्नागिरी (ratnagiri) जिल्ह्यातून कोल्हापूर (kolhapur) आणि पुण्याला (pune) जाणारी वाहतूक विस्कळीत झाली होती. (ratnagiri rain update)

यामध्ये पुण्यावरून येणारी पुणे राजापूर ही एसटी तसेच अनेक अवजड वाहने सकाळी पाच वाजल्यापासून अडकून पडली होती. आज रविवार सुट्टीचा दिवस असल्याने रत्नागिरीहून कोल्हापूरला जाणाऱ्या प्रवाशांचे प्रमाणे जास्त असल्याने दुचाकी आणि छाेटी वाहनंयांचा प्रवास थोड्या प्रमाणात चालू होता.

त्यामुळे वाहतुकीची जास्त कोंडी झाली नाही. स्थानिक प्रशासन, पाेलीस दल यांच्या वतीने रस्त्यांमध्ये पडलेले दगड हटविण्याचे काम करण्यात आले. तब्बल चार तासानंतर या मार्गांवरील वाहतूक सुरळीत सुरु झाली आहे.

Edited By : Siddharth Latkar