- संजय राठाेड

यवतमाळ : जिल्ह्यात गेल्या सहा दिवसांपासून धुव्वाधार पाऊस (Rain) कोसळत आहे. जिल्ह्यातील अनेक मंडळात अतिवृष्टी झाल्याने जनजीवन विस्कळीत झाल्याचे दिसून येत आहे. नागपूर-तुळजापूर राष्ट्रीय महामार्गावरील (nagpur tuljapur highway) कोसदनी घाटात (kosdani ghat) दरड (landslide) कोसळल्याने येथील वाहतुक सेवा ठप्प झाली आहे. (nagpur tuljapur highway latest marathi news)

नागपूर-तुळजापूर राष्ट्रीय महामार्गावरील कोसदनी घाट हा वाहन चालकांसाठी जीवघेणा ठरत आहे. पावसाळ्यात नेहमीच या ठिकाणी दरड कोसळत असल्याचा घटना घडताहेत. त्यामुळे नागपूर - तुळजापूर राष्ट्रीय महामार्गावरील कोसदनी घाटातील वाहतुक एकेरी सुरू करण्यात आली आहे.

दरम्यान दुसर्‍या बाजुला देखील दरड कोसळण्याची दाट शक्यता आहे. त्यामुळे राष्ट्रीय महामार्ग पोलीसांनी सावधगिरी म्हणुन वाहन चालकांना थांबण्याचा सल्ला दिला आहे. दरड कोसळत असताना मोठ मोठे दगड वरून खाली पडत असल्याने वाहन चालकांनी त्यांची वाहनं लांब थांबवली आहेत.

Edited By : Siddharth Latkar