महायुतीला मतांचा जोगवा देणाऱ्या लाडक्या बहिणींनी आता राज्याच्या तिजोरीवरचा ताण वाढवलाय..सरकारची महत्वाकांक्षी योजना असलेल्या लाडक्या बहीणींच्या हप्त्यासाठी वर्षभरात तब्बल 43 हजार कोटी वितरीत करण्यात आल्याचं जितेंद्र घाडगे यांच्या RTI मधून समोर आलंय..या माहिती अधिकाराच्या उत्तरात काय माहिती समोर आलीय?
RTI नुसार माहितीनुसार जून 2024 ते जुलै 2025 या वर्षभरात 43 हजार 45 कोटी रुपये वितरित करण्यात आले आहेत. एप्रिल 2025 मध्ये सर्वाधिक 2 कोटी 47 लाख महिलांना लाडकीचा लाभ देण्यात आलाय.. मात्र त्यानंतर लाडक्या बहीणींच्या अर्जांची छाननी सुरु झाली आणि 25 लाख महिलांची नावं वगळण्यात आल्यानं दर महिन्याला 375 कोटींची बचत सुरु झाली.. त्यामुळे सरकारने 2025-26 च्या बजेटमध्ये 36 हजार कोटींची तरतूद केलीय...
विधानसभा निवडणुकीनंतर सरकारकडून 25 लाख लाडक्यांना वगळण्यात आलंय.. त्यामुळं आता ही योजना बंद केली जाण्याचा आरोप विरोधकांकडून करण्यात येतोय.. मात्र मुख्यमंत्र्यांनी ही योजना बंद केली जाणार नसल्याचं स्पष्ट केलंय..
खरंतर राज्यावर 9 लाख 32 हजार कोटींचं कर्ज झालंय.. तर वित्तीय आणि महसुली तूट 2 लाख कोटींच्या वर गेलीय.. तिजोरीवर एवढा ताण असताना आता लाडकीला आता दर वर्षी लाडकीला 43 हजार कोटींची खैरात देणं सरकारला परवडणार आहे का? कारण शेतकरी कर्जमाफीचा मुद्दाही आता जोर धरू लागलाय. त्यामुळे सरकार यात कसा समतोल साधणार याकडे लक्ष लागलंय.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.