मुख्यमंत्री लाडकी बहीण योजनेच्या वर्षपूर्तीनिमित्त महिलांना दिलासा देणारी बातमी आहे. महिला व बालविकास मंत्री आदिती तटकरे यांनी सोशल मीडियावर पोस्ट करत १३व्या हप्त्याबाबत माहिती दिली. रक्षाबंधनाच्या पूर्वसंध्येला म्हणजेच जुलै महिन्याचा निधी लाभार्थी महिलांच्या बँक खात्यात जमा करण्यात येणार असल्याचे त्यांनी स्पष्ट केलंय.

मात्र, अनेक महिलांना अद्यापही जून महिन्याचा हप्ता मिळालेला नाही. आपलं नाव वगळलं आलं का? असा प्रश्न अनेक महिलांना पडत आहे. सध्या सरकारकडून अर्जांची पडताळणी सुरू असून, त्यात अनेक अपात्र लाभार्थ्यांची नावे समोर येत आहेत. काही पुरुषांनी देखील या योजनेचा लाभ घेतल्याचे उघड झाले आहे, तसेच काही महिलांनीही चुकीची माहिती देऊन निधी घेतल्याचे समोर आले आहे.

सरकारी नोकरीत असलेल्या महिलांना या योजनेचा लाभ मिळण्यास मनाई आहे. तरीही काही सरकारी महिला कर्मचाऱ्यांनी लाभ घेतल्याचे आढळून आल्यामुळे त्यांच्यावर कारवाई होणार आहे. मात्र ती कारवाई कधी व कशी केली जाणार, याबाबत अद्याप स्पष्टता नाही.

जर आपण सरकारी कर्मचारी नसूनही आपल्याला अजूनही हप्ता मिळालेला नसेल, तर खालील पद्धतीने यादीत आपलं नाव तपासू शकता:

सर्वात आधी मुख्यमंत्री लाडकी बहीण योजनेच्या अधिकृत वेबसाइटवर जा.

नंतर अंतिम यादीच्या सेक्शनमध्ये जा.

मोबाईल नंबर आणि दिलेला कॅप्चा टाका.

नोंदणीकृत नंबरवर कोड येईल, तो टाका.

योजनेशी संबंधित लिस्ट दिसेल.

यात आपलं नाव आहे की नाही, हे चेक करा.