महायुती सरकारची प्रमुख योजना असलेली मुख्यमंत्री लाडकी बहीण योजनेचा शेवटचा हप्त्यामध्ये तब्बल 86 लाख महिलांना डच्चू मिळाला आहे. मागच्या वर्षीपर्यंत या योजेनचा 2 कोटी 40 लाख इतक्या महिला लाभ घेत होत्या. मात्र डिसेंबर 2025 महिन्याचा हप्ता फक्त 1 कोटी 60 लाख महिलांनाच मिळाला. सुमारे 86 लाख महिलांना हप्ता मिळाला नसल्याचे सांगितले जात आहे.
सप्टेंबर 2025 पासून ते 31 डिसेंबर 2025 पर्यंत 2 कोटी 40 लाख लाभार्थ्यांपैकी 1 कोटी 90 लाख महिलांनी e-KYC केली. त्यामध्ये पात्र झालेल्या 1 कोटी 60 लाख महिलांनाच डिसेंबरचा हप्ता मिळाला आहे, जर फॉर्म भरताना काही चूक झाली असेल तर 31 मार्च 2026 पर्यंत e-KYC मध्ये बदल करू शकतो. घरातील सदस्य जर कोणी सरकारी नोकरी करत असेल तर त्या महिलांना अपात्र ठरवले गेले आहे. तसेच जानेवारीचा हप्ता अद्यापही मिळाला नाहीये. सामाजिक खात्यातून निधीला विलंब होत असल्याने लाडकी बहीण योजेनचा हप्ता रखडल्याचे सांगितले जात आहे.
लाडकी बहीण योजना ही 18 ते 65 वर्ष वयोगटातील महिलांसाठी आहे. ज्या कुटुंबाचे उत्पन्न अडीच लाखापेक्षा कमी आहे. त्या कुटुंबातील महिलांना या योजनेचा लाभ घेता येईल असे सरकारकडून सांगितले आहे. विधानसभा निवडणुकीच्या पार्श्वभूमीवर महायुती सरकारने ही योजना चालू केली होती. यामध्ये अनेक महिलांच्या खात्यात 1500 रुपये यायला सुरुवात झाली. मात्र निवडणुकीनंतर अनेक महिलांना या योजेनेतून वगळण्यात आल्याने महिलांनी नाराजी व्यक्त केली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.