महायुती सरकार सत्तेवर आणण्यात लाडक्या बहिणींच्या मतांचा वाटा मोठा आहे. विधानसभेप्रमाणे स्थानिक स्वराज्य संस्था निवडणुकीतही लाडकीचं मत गेमचेंजर ठरण्याची शक्यता आहे. मात्र आता लाडकीसमोर मत कोणाला द्यायचा याचा मोठा प्रश्न पडलाय. कारण राज्यात अनेक ठिकाणी भाजप, शिंदे सेना आणि राष्ट्रवादी काँग्रेस स्वतंत्र लढत आहेत. अनेक ठिकाणी मैत्रिपूर्ण लढती आहेत. त्यामुळे मत देवाभाऊंच्या कमळाला द्यायचं, भाई एकनाथ शिंदेंच्या धनुष्यबाणाला द्यायचं की अजितदादांच्या घड्याळ्याची टीकटीक ऐकायची असा प्रश्न बहिणींना पडलाय.
लाभार्थी महिलांची अंदाजित संख्या 2.34 कोटींपेक्षा जास्त आहे. आत्तापर्यंत 15 महिन्यांचे हफ्ते मिळाले आहेत.
2024 आणि 2019 मधील विधानसभा निवडणुकीतील महिला मतदारांची संख्या पाहूया
महिला मतदार टक्केवारी
2024 - 65.21%
2019 - 59.20 %
फरक + 6.01 %
पुरुष मतदार टक्केवारी
2024 - 66.84%
2019 - 62.77%
फरक + 4.07 %
तत्कालीन मुख्यमंत्री एकनाथ शिंदे यांनी मध्य प्रदेश सरकारच्या धर्तीवर विधानसभा निवडणुकीपूर्वी मुख्यमंत्री लाडकी बहिण योजना सुरु केली होती. त्यामुळे लोकप्रिय ठरलेल्या या योजनेचं श्रेय स्थानिक निवडणुकीतही घेण्यासाठी महायुतीत धडपड दिसून येते.
महायुतीतले पक्ष एकमेकांविरुद्ध लढत असल्याने, 'लाडक्या बहिणीं'ची मतं विभागली जाण्याची शक्यता आहे. ज्यामुळे विरोधी पक्षाच्या उमेदवाराला फायदा होऊ शकतो.त्यामुळे मित्र पक्षांच्या या थेट लढाईत लाडक्या बहिणी तीनपैकी कोणत्या भावाच्या हाताला मतरुपी राखी बांधतात? याकडे सगळ्याचं लक्ष आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.