>>रणजीत माजगावकर

Kolhapur Crime News: अनैतिक संबंधातून तरुणाची गोळी घालून हत्या केल्याची घटना कोल्हापूरमध्ये घडली आहे. कागल तालुक्यातील बाळेघोल येथील तरुणाची बाईकवरून आलेल्या तरुणाने गावठी कट्ट्यातून गोळी झाडून हत्या केली आहे. या घटनेमुळे परिसरात खळबळ उडाली आहे.

मिळालेल्या माहितीनुसार, कागल तालुक्यातील बाळेघोल इथल्या तरुणाची गावठी कट्ट्यातून गोळी झाडून हत्या करण्यात आली आहे. भरत बळीराम चव्हाण असे 32 वर्षीय मृत तरुणाचे नाव आहे.

आज सकाळी भरत आपल्या मित्रासोबत जात कापशीला कामासाठी होता. त्यावेळी समोरुन आलेल्या विकास मोहिते याने चिंगरे पाणंदमध्ये भरतच्या डाव्या कानाजवळ गावठी कट्ट्यातून गोळी झाडली. या हल्ल्यात त्याचा मृत्यू झाला. (Latest Marathi News)

विशेष या घटनेनंतर म्हणजे भरतवर गोळी झाडणारा संशयीत आरोपी विकास हेमंत मोहिते हा स्वतःहून मुरगूड पोलीस ठाण्यात हजर झाला आणि त्याने पोलिसांसमोर या हत्येची कबुली देखील दिली आहे. (Kolhapur Crime)