रणजित माजगावकर, कोल्हापूर| ता. २६ डिसेंबर २०२३

Kolhapur News:

पुणे बेंगलोर महामार्गावरील उजळईवाडी इथे सुरू असणाऱ्या विनापरवाना पार्टीवर पोलिसांनी रविवारी (२४, डिसेंबर) रात्री छापा टाकला. या प्रकरणी पार्टी आयोजकांवर गुन्हा दाखल करण्यात आला असून मध्ये साठा रोख रक्कम आणि डीजे असे सुमारे दोन लाख 82 हजार रुपयांचा मुद्देमाल पोलिसांनी जप्त केला आहे. (Kolhapur News)

याबाबत सविस्तर माहिती अशी की, उजळेवाडी परिसरात सुरू असणाऱ्या एका कॅफेमध्ये ख्रिसमस आणि नवीन वर्षाच्या स्वागतासाठी (New year Celibration) पार्टीचे आयोजन करण्यात आले होते. याबाबतची टीप पोलीस अधीक्षक महेंद्र पंडित यांना समजली. या माहितीच्या आधारे त्यांनी स्थानिक गुन्हे शाखेचे पोलीस निरीक्षक रवींद्र कळमकर यांच्या नेतृत्वाखाली पथक तयार करून या पार्टीवर छापा टाकला .

या पार्टीमध्ये 60 पुरुष आणि 40 हून अधिक महिलांचा सहभाग असल्याचे दिसून आले. याप्रकरणी कॅफे 'माया' चा मालक दयानंद जयंत साळुंखे, पार्टी आयोजक मयुरा राजकुमार चुटानी, डीजे ऑपरेटर गणेश लहू खरात, मालक दिगंबर रघुनाथ सुतार यांच्यासह कामगारांवर पोलिसांनी कारवाई केलेली आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

या कारवाईत एकूण ५३ हजार ७२५ रुपयांची विदेशी दारू, ८८ हजार ७४० ची रोकड, १ लाख ४० हजारांची डीजे सिस्टीम असा एकूण २ लाख ८२ हजार ४६५ रुपयांचा मुद्देमाल जप्त केला आहे. गोकुळ शिरगाव पोलीस ठाण्यात या प्रकरणी गुन्हा दाखल असून स्थानिक गुन्हे अन्वेषण शाखेने ही कारवाई केली. या प्रकरणाचा अधिक तपास सुरू आहे. (Latest Marathi News)