>> रोहिदास गाडगे, साम टीव्ही

woman and bus driver brutally beaten by youths : खेडमध्ये बसमधून प्रवास करणाऱ्या एका महिलेसह बस चालकाला काही तरुणांनी बेदम मारहाण केल्याची घटना घडली आहे. या घटनेचा व्हिडिओ देखील सोशल मीडियावर व्हायरल होत आहे.

खेड तालुक्यातील कडुस गावात ही घटना घडली आहे. याठिकाणी साबुर्डीहून राजगुरुनगर येथे बस जात असताना दुचाकीस्वार तरुणांनी बस चालकाला दमदाटी करत मारहाण केली. एवढच नाही तर बसमधून प्रवास करणाऱ्या एका महिलेलाही तरुणांनी मारहाण केल्याचा प्रकार घडला आहे.

दुचाकीस्वार तरुणांच्या या मारहाणीत बस चालक आणि प्रवासी महिला जखमी झाले आहेत. राजेंद्र कांबळे बसचालकाचं नाव असून उषा शिंदे असं जखमी प्रवासी महिलेचं नाव आहे. ही संपूर्ण घटना रस्त्यावरच घडली. (Latest Political News)

दुचाकीस्वार तरुणांनी घातलेला हा राडा कँमेरात कैद झाला आहे. बस चालक आणि प्रवासी महिलेच्या तक्रारीवरून राजगुरुनगर पोलीसांत दुचाकीस्वार तरुणांविरोधात जबरी मारहाण करुन शासकीय कामात आडथळा आणल्याप्रकरणी गुन्हा दाखल करण्यात आला आहे. (Latest Marathi News)