माधव सावरगावे

औरंगाबाद : उत्तर महाराष्ट्र आणि मराठवाड्यातील Marathwada अनेक जिल्ह्यांत ठिकठिकाणी मुसळधार पाऊस पडत आहे. तर मुसळधार पावसामुळे अनेक नद्यांना पूर आला आहे. पावसामुळे नागरी घरे आणि दुकानांत पाणी शिरल्याचे पहायला मिळत आहे.

तर औरंगाबाद जिल्ह्यातील कन्नड घाटात दरड कोसळल्याची माहिती मिळत आहे. तर दरड कोसळल्यामुळे धुळे - औरंगाबाद - सोलापूर महामार्ग वाहतुकीसाठी बंद करण्यात आला आहे.

कन्नड चाळीसगाव घाटामध्ये जवळपास 800 हून अधिक वाहने अडकून पडली आहेत. दरड कोसळली पाच ठिकाणी दरडी कोसळल्यामुळे काही वाहन त्याखाली दबलेली आहेत. त्यात एका ट्रक चालकाचा मृत्यू झालाय, असे पोलिसांनी सांगितले आहे. चाळीसगाव आणि कन्नड घाटाच्या मधोमध दरड कोसळली आहे.

घाटात दरड कोसळल्यामुळे अनेक गाड्यांचे नुकसान सुदैवाने कोणतीही जिवीतहानी झालेली नाही. तर दरड कोसळल्याने घाटातील वाहतूक ठप्प झाली आहे. दरड कोसळली त्या ठिकाणी पोलीस पथक दाखल झाले आहे आणि दरड हटविण्याचे काम सुरू आहे.

Edited By-Sanika Gade